A Meke I Solomoni 6
6
1A lako kivei ko koya ko sa lomana, o iko sa matavinaka sara vei ira na alewa? sa lesu tani kivei ko koya ko sa lomana? me datou vakasaqarai koya kei iko.
2O koya kaʼu sa lomana sa lako sobu ki na nona were, ki na loga kau boi vinaka, me kana e na veiwere, ka sei viavia. 3Au sa nona kaʼu sa lomana, a sa noqu ko koya kaʼu sa lomana: sa kana voli e loma ni viavia.
4O sa matavinaka, na wekaqu, me vakai Tirisa, ka rairai vinaka me vakai Jerusalemi, ka rerevaki me vaka nai valu sa vakadrotini. 5Mo vagolea tani vei au na matamu, si sa rawai au: a drau ni ulumu sa vaka na qele ni koti sa rairai mai Kiliati. 6A batimu sa vaka na qele ni sipi sa lako cake mai nai silisili, sa dui luvei drau yadua, ka sa sega e sa tawa luvea vei ira. 7Sa vaka na tiki ni karaniti na nomu kanavalavala e na maliwa ni drau ni ulumu.
8Sa lewe onosagavulu na ranadi, ka lewe walusagavulu na wati lailai, kei na gonealewa sa sega ni wiliki rawa. 9Ia na noqu ruve, na noqu tawa cala sa dua ga; na luve i tinana e dua bauga, o koya ga na gone toko i koya ka vakasucuma.
Era raici koya ko ira na gonealewa, ka vosavakalougatataki koya; o ira talega na ranadi kei ira na wati lailai, a ra vakacaucautaki koya. 10O cei o qori sa kida mai me waka na mataka, sa matavinaka me vaka na vula, sa makare me vaka na mata-ni-siga, ka rerevaki me vaka nai valu sa vakadrotini?
11Au a lako sobu ki na veiamodi me raica na vuata mai na buca, meʼu raica na vaini se tubu vinaka, kei na karaniti se sa kubu, se segai. 12Niʼu sa tawa kila tu, sa kitaki au na yaloqu me totolo ka bera na vale-vodoki i Aminatapi.
13Mo lesu mai, mo lesu mai, na Sulamaiti; mo lesu mai, mo lesu mai, me keitou qoroi iko.
A cava mo dou raica vua na Sulamaiti? Sa vaka na mataivalu erua sa dua vata ga.
Currently Selected:
A Meke I Solomoni 6: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
