A Meke I Solomoni 5
5
1AU sa lako mai ki noqu were, na ganequ, na watiqu: au sa vetia vata na noqu mura kei na noqu kau boi vinaka; au sa kania vata na qau qa ni oni kei na oni; au sa gunuva vata na mequ waini kei na mequ wai-ni-sucu: dou kana, na veiwekani; dou gunu, io, dou gunu vakalevu, na daulomani.
2Au sa moce, ka sa yadra na lomaqu: a domo i koya kaʼu sa lomana sa tukituki tu, a sa kaya, Dolavi au, ganequ, wekaqu, noqu ruve, noqu lawa cala: ni sa wai walega na uluqu e na tegu, ia na drau ni uluqu e na bite ni bogi. 3Au sa luvata na noqui sulu; au na suluma tale vakaevei? au sa vuya na yavaqu; au na vaqeleqeleataka tale vakaevei? 4O koya kaʼu sa lomana sa daramaka na ligana ki na cila ni katuba, ia sa yavavala na ketequ e na vukuna. 5Au a tu cake me dolavi koya kaʼu sa lomana; a sa tiri na mura mai na ligaqu, kei na mura boi vinaka mai nai qaqalo ni ligaqu, j ki nai tautauri ni loka. 6Au a dolavi koya kaʼu sa lomana; ia ka sa lesu yani ko koya kaʼu sa lomana, a sa lako: sa yali na yaloqu ni sa vosa ko koya: au a qarai koya, ia kaʼu sa tawa kunei koya; au a kacivi koya, ka sa sega ni rogo mai vei au. 7A ra sa kunei au nai vakatawa era daulako voli e na koro, era sa yaviti au, era sa vuetaki au; o ira nai vakatawa ni bai era kauta tani vei au na noqu pulou. 8Au sa vakaroti kemudou, na gonealewa ni Jerusalemi, kevaka dou sa kunei koya kaʼu sa lomana, mo dou tukuna vua, niʼu sa mate e na loloma.
9A cava ko koya ko sa lomana me sivi koya kina na tani sa lomani, o iko sa matavinaka sara vei ira na alewa? a cava ko koya ko sa lomana me sivi koya kina na tani sa lomani, mo vakaroti keitou kina vakaoqo?
10O koya kaʼu sa lomana sa vulavula ka damudamu, ka levu cake vei ira na lewe oba. 11A uluna sa vaka na koula dina sara, a drau ni uluna sa veiveliya-ki, ka loaloa me vaka na reveni. 12A matana sa vaka na mata ni ruve mai na uciwai, sa vui e na wai-ni-sucu, ka lelevu vinaka tu. 13A baluna sa vaka na loga ni kau boi vinaka, na se ni kau boi vina-vinaka: a tebenigusuna sa vaka na viavia, sa tiri maikina na mura boi vinaka. 14A ligana sa vaka na mama koula sa vono perili: a ketena sa vaka na tabua lumilumisa sa botani e na safairi: 15a yavana sa vaka na duru vatu e veivolavolai, sa tu ki nai tutu koula dina: a kenai rairai sa vakai Lipanoni, sa tautani me vaka na sitari. 16A gusuna sa kamikamica sara: io, sa ka domoni sara ko koya. Sai koya o qo kaʼu sa lomana, Ia sai koya o qo na wekaqu, oi kemudou na gonealewa ni Jerusalemi.
Currently Selected:
A Meke I Solomoni 5: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
