A Meke I Solomoni 4
4
1RAICA, ko sa matavinaka, na wekaqu; raica, ko sa matavinaka; sa matamu na mata ni ruve e na maliwa ni drau ni ulumu: na drau ni ulumu sa vaka na qele ni koti, sa rairai mai na ulu-ni-vanua ko Kiliati. 2A batimu sa vaka na qele ni sipi sa kotivi, ka sa lako cake mai nai silisili; ka sa dui luvei drua yadua, ka sa sega e sa tawa luvea vei ira. 3A tebenigusumu sa vaka na wa damudamu, a sa dauvinaka na nomui vosavosa: a nomu kanavalavala sa vaka na tiki ni karaniti e na maliwa ni drau ni ulumu. 4A domomu sa vaka na vale-cecere i Tevita sa tara me vale ni yaragi, ka dua na udolu nai sasabai sa rube kina, nai sasabai kecega na nodra na qaqa. 5A sucumu ruarua sa vaka e rua na koti kila lalai erau drua, erau kana voli e na maliwa ni viavia. 6Ni sa bera ni kida na mataka, ka seavu yani na malamalawa, kaʼu na lako mada yani ki na ulu-ni-vanua ni mura, kei na ulu-ni-koro ni drega boi vinaka. 7O sa matavinaka sara, na wekaqu; sa sega na tikimu e buca.
8Daru mai lako vata e Lipanoni, na watiqu, dara lako e Lipanoni: mo rai tu mai na dela i Emana, mai na dela i Siniri kei Erimoni, mai na kedra qara na laioni, mai na kedra ulu-ni-vanua na lepari-te. 9O sa vakasesea na lomaqu, na ganequ, na watimu; o sa vakasesea na lomaqu e na dua na matamu, e na dua na sinucodo ni domomu. 10Na kena matavinaka na nomu loloma, na ganequ, na watiqu! na kena vinaka cake na nomu loloma e na waini! kei nai boi ni nomui lumu e na kau boi vinaka kecega! 11A tebenigusumu, na watiqu, sa tiri me vaka na qa ni oni: na oni kei na wai-ni-sucu sa no e ruku ni yamemu; ia nai boi ni nomui sulu sa vaka na kenai boi ko Lipanoni. 12A were sa viribaiti na ganequ, na watimu; a mata-ni-wai sa sogo, nai vurevure ni wai sa dregati. 13A nomui teitei na veikaraniti, sa kamikamica na vuana; na kamifera, kei na narita, 14na narita kei na safaroni; na drove kei na sinamoni, kei na kau drega boi vinaka kecega; na mura kei na yasi, kei na kau kece e boi vinaka sara: 15na mata-ni-wai ni veiwere, nai keli-wai bula, kei na uciwai mai Lipanoni.
16Mo yadra mai, na tokalau; mo lako mai, na ceva; drau mudre mai ki noqu were, me tiri yani kina na kena drega boi vinaka. Me lako mai ko koya kaʼu sa lomana ki nona were, me kania na kena vua ni kau vinaka.
Currently Selected:
A Meke I Solomoni 4: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
