A Meke I Solomoni 2
2
1OI au na rose ni Saroni, kei na viavia ni buca.
2Me vaka na viavia e na maliwa ni soni, sa vakakina na wekaqu e na kedra maliwa na gonealewa.
3Me vaka na moli e na loma ni kau ni veikau, sa vakakina ko koya kaʼu sa lomana e na kedra maliwa na goneatagane. Au a marau niʼu a tiko sobu e na yaloyalona, a sa kamikamica na vuana ki na gusuqu. 4Sa kauti au ko koya ki na nona vale ni waini, ia na nona rogele sa vakarurugi au na loloma. 5Dou tokoni au e na waini, kurea vei au na moli: niʼu sa mate e na loloma. 6A ligana i mawi sa no e ruku ni uluqu, a sa mokoti au na ligana i matau.
7Au sa vakaroti kemudou, na gonealewa ni Jerusalemi, e na vuku ni koti kila, kei na teira alewa ni veico, mo dou kakua ni yavalata, se vakayadrati koya kaʼu sa lomana, ka me veitalia ga ko koya.
8A domo i koya kaʼu sa lomana! raica, sa rika mai ko koya e na tokaitua, ka ladelade mai e na dela ni koro!
9O koya kaʼu sa lomana sa vaka na koti kila se na teira tagane sa gone: raica, sa tu mai daku ni nodatou bai, sa rai mai mai na katuba, sa vakaraitaki koya mai nai sogo cicila. 10Sa vosa mai ko koya kaʼu sa lomana, ka kaya vei au, Mo tu cake, na wekaqu, na noqu ka matavinaka, ka lako mai. 11Raica, sa oti yani na vula i liliwa, sa mudu na uca ka lako tani; 12na se ni kau sa rairai mai e na vanua; na kedra vula sa tagi kina na manumanu sa qai yaco, ia na domo ni ruve sa qai rogo mai e na noda vanua; 13na lolo sa vuataka mai na vuana vou, kei na vaini kei na vuana vou sa boi mai. Mo tu cake, na wekaqu, na noqu ka matavinaka, ka lako mai. 14O iko noqu ruve, ka sa tiko e na qara ni uluvatu, e na yasana vuni ni cabecabe, meʼu raica mada na matamu, meʼu rogoca mada na domomu; ni sa domo vinaka na domomu, ka vatukai vinaka na matamu.
15Dou toboka mai na fokise, na fokise lalai, sa vakacacana na vaini: ni sa vou tu na vua ni noda vaini.
16Sa noqu ko koya kaʼu sa lomana, a sa nona ga koi au: sa kana tu e na loma ni viavia.
17Ni sa bera ni kida na mataka, ka seavu yani na malamalawa, mo lesu mai, o iko kaʼu sa lomana, io mo vaka na koti kila se na luve ni teira e na ulu-ni-vanua ko Peceri.
Currently Selected:
A Meke I Solomoni 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
