A Meke I Solomoni 1
1
A WASE I. —A nodra veilomani ko Karisito kei ira nai vavakoso lewe ni soro sa tukuni e nai vola o qo, ni sa vakatakarakarataki e na nodrau veilomani na veiwatini.
1A MEKE ni meke, o qori na nei Solomoni.
2Me reguci au ko koya na turaga e na veiregu ni gusuna: ni sa vinaka na nomu loloma ka ca na waini. 3E na vuku ni kenai boi na nomui lumu vinaka sara sa vaka nai lumu sa talivi yani na yacamu, o koya era sa lomani iko kina na gonealewa. 4Yarataki au, keitou na cicimuri iko: sa kauti au mai na tui ki nona loqi: keitou na marau ka rekitaki iko, keitou na nanuma vakalevu na nomu loloma ka vakalailai ki na waini: o ira na yalododonu era sa lomani iko.
5Oi au na alewa loaloa, ka matavinaka ga, oi kemudou na gonealewa ni Jerusalemi, me vaka na vale gatu ni Kitari, ka vaka na gatu i Solomoni. 6Kakua ni dou qoroi au, niʼu sa loaloa, ni sa cilavi au na siga: era a cudruvi au na luve i tinaqu; era a lesi au meʼu vakatawa na veivainivaini; ia na noqu veivaini kaʼu a sega ni vakatawa.
7Tukuna mai vei au, o iko kaʼu sa lomana, se vei na yasana ko sa vakania kina, na yasana ko sa vakadavora kina na qele ni sipi e na siga levu: niʼu na sa lako sese voli e na cava ki na nodra qele ni sipi na nomui tokani?
8Kevaka ko sa sega ni kila, o iko sa matavinaka sara vei ira na alewa, mo lako voli yani e na we ni yavadra na sipi, ka vakani ira na nomu luve ni koti ka voleka ki na nodra vale malo nai vakatawa ni sipi. 9Au sa vakatauvatani iko, na wekaqu, kei na ose alewa e na vale-vodoki i Fero. 10Sa vakaiukuuku na balumu e nai tekiteki, kei na domomu e na sinucodo. 11Keitou na cakava e na koula na bele ni nomui sulu, ka vola e na siliva.
12Ni sa tiko na tui mai na nonai kanakana, sa boi vinaka yani na noqu narita. 13Sai vau mura vei au ko koya kaʼu sa lomana; ena davo no ga e na maliwa ni sucuqu. 14O koya kaʼu sa lomana sa vaka vei au nai soso kamifera e na veivainivaini mai Eni-keti. 15Raica, ko sa matavinaka, na wekaqu; rai ca, ko sa matavinaka; sa matamu na mata ni ruve.
16Raica, sa matavinaka ko iko, kaʼu sa lomana, io, ka yalovinaka: a nodarui davodavo talega sa ka bulabula. 17Ai coka ni nodaru vale na sitari, na kenai sa na paini.
Currently Selected:
A Meke I Solomoni 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
