Meke 140
140
A masu sa ta e na gauna ni veivakacacani.
Vua na Domo-ni-meke. A Meke i Tevita.
1MO vakabulai au, Jiova, mai na tamata ca: mo maroroi au mai na tamata lomaqa; 2era sa nanuma ca tiko e lomadra: era dausoqoni vata me ia nai valu. 3Era sa vagatara na yamedra me vaka na gata; na weli gaga ni gata daukata sa tiko eruku ni tebenigusudra. Sela. 4Mo maroroi au, Jiova, mai na liga ni valavala ca; vakabulai au mai vua na tamata lomaqa; o koya sa via vukica na noqui lakolako. 5O ira na viavialevu era sa vunia na tudai vei au, kei na dali; era sa tevuka na lawa e na bati ni sala; era sa kitaka na tudai me rawai au. Sela.
6Au a kaya vei Jiova, O iko na noqu Kalou: mo vakatu daligamu mai ki na domo ni noqu masu, Jiova. 7I Jiova na Turaga, na kaukauwa kaʼu sa bula kina, ko a vakaruruga na uluqu e na siga ni valu. 8Kakua ni solia, Jiova, na ka era domona nai valavala ca: kakua ni vakayacora na nona vere ca; de ra vakalevulevui ira kina. Sela.
9Ia na uludra era sa vakalali au, ena ubi ira na ca e vosataka na tebenigusudra. 10Ena tauci ira na qilaiso ni buka waqa; era na biu ki na buka; ki nai keli titobu, me ra kakua ni tu tale. 11Ena tawa tiko dei e vuravura na tamata dauvosalevu: a tamata lomaqa, ena vakasavi koya ga na ka ca me mani rusa sara. 12Au sa kila ni na ia na lewa dodonu ko Jiova ena vukuna sa vakararawataki, kei na ka dodonu e na vukuna na dravudravua. 13E dina ena vakavinavinaka ki na yacamu ko ira na yalododonu: ena tiko ga e matamu ko ira nai valavala dodonu.
Currently Selected:
Meke 140: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
