Meke 141
141
A masu sa ia e na gauna ni veivakacacani.
A Meke i Tevita.
1I JIOVA, au sa tagi vei iko: mo kusarawa mai vei au; mo vakatu daligamu, niʼu sa tagi vei iko. 2Me tikotiko ga e matamu na noqu masu me vaka nai madrali boi vinaka; kei nai cabocabo ni ligaqu me vaka nai madrali vakayakavi. 3Mo lesia, Jiova, nai vakatawa ki na gusuqu; mo vakaraica na katuba ni tebenigusuqu. 4Me kakua ni qarava na ka ca na lomaqu, me kitaka nai valavala ca kei ira na tamatai valavala ca: ia meʼu kakua ni kania na kedra ka kamikamica. 5Me yaviti au ko koya na yalododonu e na yalololoma; ia me vunauci au ko koya: enai lumu ga ni ulu, ena sega ni bola na uluqu; ia kaʼu na masu ga ni ra sa rarawa.
6N i sa bale e na vanua veivatu ko ira na nodra dauveilewai, era na rogoca na noqu vosa; ni sa kamikamica. 7Me vaka e dua sa tasea na kau e na dela ni soso ka dri, sa veibiuyaki vakakina na suida ki na gusu ni bulubulu. 8Ia sa qaravi iko ga, Jiova na Turaga, na mataqu: au sa vakararavi vei iko; kakua ni laivi au wale tu. 9Maroroi au mai na tudai era kotora vei au, kei na nodrai cori nai valavala ca. 10Me ra bale nai valavala ca ki na nodra lawa, niʼu sa dro bula duadua koi au.
Currently Selected:
Meke 141: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
