Meke 139
139
Sa lewa deivaki na Kalou, o koya e kila na ka kecega, 1-16; a ka levu sara na nona loloma, 17-18. Sa vakararavi kina vua, a sa masu me yalodina, 19-24.
Vua na Domo-ni-meke. A Meke i Tevita.
1I JIOVA, ko sa vakadikevi au, ka kilai au. 2O sa kila na noqu tiko sobu kei na noqu tu cake, o sa kila na nanuma ni lomaqu ni sa yawa tiko. 3O sa vakatovolea na noqui lakolako kei na noqui kotokoto, a sa daukila na noqui valavala kecega. 4Ni sa sega e dua na vosa e na gusuqu, ia ko sa kila kece sara ga, Jiova. 5O sa vakalali au kimuri, kiliu talega, a sa tabaki au e na qeteqete-ni-ligamu.
6A vuku vakakoya sa dredre sara vei au ni sa veivakidacalataki; sa cecere, au sa sega ni rawata. 7Meʼu lako tani kivei mai na yalomu? seʼu dro tani kivei mai na matamu? 8Kevaka kaʼu cabe ki lomalagi, ko sa tiko maikina: kevaka kaʼu tevuka na noqui mocemoce mai bulu, raica, ko sa tiko maikina. 9Kevaka kaʼu sa taura na taba ni mataka, ka laʼki tiko mai na sauka ni wasawasa; 10ena tuberi au ga maikea na ligamu, ka tauri au na ligamu i matau. 11Kevaka kaʼu sa kaya, Io, me tabogi au mada ga na butobuto; sa na qai rarama sara vei au na bogi. 12Io, na butobuto sa sega ni tabogo kina e dua na ka vei iko; sa cila na bogi me vaka na siga: sa tautauvata vei iko na butobuto kei na rarama. 13Ni ko a taukena na noqui ivi: ko a ubi au e na kete i tinaqu. 14Au na vakavinavinaka vei iko; ni sa ka rerevaki ka vakurabui na noqui bulibuli: a ka veivakidacalataki na nomu cakacaka; a ka o qo sa kila vakavinaka na yaloqu. 15Sa sega ni tabogo vei iko na suiqu, niʼu a cakavi vuni, niʼu a cakavi vakaiukuuku eruku ni vuravura. 16Ni u sa vaka na vulovulo wale sa kunei au na matamu, ia sa volai kece sara na tikiqu e na nomui vola, me cakavi tiko e na veisiga, ni sa sega ni caka oti e dua.
17Ai yau levu vei au na nanuma ni lomamu, na Kalou! a ka levu na kenai wiliwili! 18Keʼu sa via wilika, ke sa ka levu ka lailai na mata ni nuku: niʼu sa yadra, edaru sa tiko vata ga.
19E dina, na Kalou, ko na vakamatei ira nai valavala ca! o koya dou lako tani kina vei au, na tamata ligaca. 20Ni ra sa vosavakacacataki iko, a ra sa cavuta walega na yacamu na nomu meca. 21Au sa sega beka ni cati ira era sa cati iko, Jiova? au sa sega li ni vakasisilataki ira era sa tu cake vakaivalu vei iko? 22Au sa cati ira vakaidina: era sa noqu meca. 23Mo vakadikevi au, na Kalou, mo kila na lomaqu: mo vakatovolei au, ka kila na nanuma ni lomaqu: 24ka raica se dua na sala ca vei au, ka tuberi au e na sala ni bula tawa mudu.
Currently Selected:
Meke 139: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
