Ai Vola Vakaibalebale 9
9
A cakacaka kei nai vakaruvuli ni vuku, 1-12. A kenai tovo na alewai valavala ca, 13-18.
1SA tara oti na nona vale ko vuku, sa taya na kena duru e vitu: 2sa vakamatea na nona manumanu; sa vakarauna na nona waini; sa cokonaka talega na nonai kanakana. 3Sa talai ira yani na nona gonealewa: sa kaci tu e na veitikina ni koro e cecere, ka vaka, 4O koya sa tawa vuku, me lesu mai kike: o koya sa tawa yalomatua, sa kaya kina vua, 5Mo lako mai, mo mai kania na noqu madrai, ka gunuva na waini kaʼu sa vakarauna: 6biuti ira na lialia, mo bula; ka lako e na sala vuku. 7O koya sa vunauca na dauveivakalialiai ena kena kina na madua: ia ko koya sa vunauca na tamata ca ena tauvi duka kina. 8Kakua ni vunauca na dauveivakalialiai, de cati iko: vunauca na tamata vuku, ena lomani iko. 9Vakavulica na tamata vuku, ena vuku cake ko koya: vakavulica na yalododonu, ena tubu kina na ka e kila. 10A rerevaki Jiova na vu ni vuku; kei na kilai Koya sa Yalosavasava na ka vakayalomatua. 11Ni sai au ga ena vuqa kina na nomu siga, ka levu na yabaki ni nomu bula. 12Kevaka ko vuku, ko na vuku me nomu: ia kevaka ko beca, ena kemu duaduaga na kenai sau.
13Na alewa lialia sa dauvosavosa; sa yalowai, ka sega na ka e kila: 14a sa dautiko mai na katuba ni nona vale, e nai tikotiko e na veitikina ni koro e cecere, 15me kacivi ira era lako vakadodonu e na nodrai lakolako: 16o koya sa tawa vuku, me lesu yani kikea: ia ko koya sa tawa yalomatua, sa kaya kina vua, 17A wai e butakoci sa kamikamica, kei na madrai sa kani lo sa ka vinaka. 18A sa lecava ni ka tiko maikea ko ira na mate; ia ko ira era a dautiko kaya era sa lewe ni bulubulu.
Currently Selected:
Ai Vola Vakaibalebale 9: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
