Ai Vola Vakaibalebale 10
10
1A VOSA vakaibalebale i Solomoni.
A gone vuku na ka ni reki nei tamana: ia na gone lialia na ka rarawa kei tinana.
2Ai yau ni ca sa tawa yaga: ia na caka dodonu na ka e vakabulai kina mai na mate.
3O Jiova ena sega ni soli koya na yalododonu me viakana: ia ka sa biuta tani na nodrai yau na tamata ca.
4Sa na dravudravua mai e sa kuku ce: ia ko koya sa kuku matua sa na vutuniyau kina.
5O koya sa kumuna e na vula, i katakata sa gone dauvuka: ia ko koya sa daumoce e na vula i mago sa gone e veivakamaduataki.
6A vosa veivakalougatataki sa tau ki uluna na yalododonu: ia na gusudra na tamata ca ena tabonaki e nai valavala kaukauwa.
7A kedrai nanumi na yalododonu noka e veivakalougatataki: ia na yacadra nai valavala ca ena rusa ga.
8O koya sa lomavuku ena vakabauta na vunau: ia na lialia dauvosa ena bale ga.
9O koya sa lako vakadodonu sa lako doudou: ia ko koya sa vakavevea na nonai lakolako ena kilai.
10O koya sa katariva e na matana sa vakayaco ka rarawa: ia na lialia dauvosa ena bale ga. 11A gusuna na yalododonu na mata-ni-wai bula: ia na gusudra na tamata ca ena tabonaki e nai valavala kaukauwa.
12A veicati na ka e tubu kina na veileti: ia ka sa ubia nai valavala ca kecega na loloma.
13E na tebenigusuna na yalomatua sa kune kina na vuku: ia na kuita na kei dakuna na yalowai.
14Era binia na vuku na yalomatua: ia na gusuna na lialia sa volekata na rusa.
15A nonai yau na vutuniyau sa nona koro kaukauwa: a nodra dravudravua na dravudravua sai koya era ca kina.
16A nona cakacaka na yalododonu sa bula kina: a vua ni nona oca na tamata ca sai valavala ca kina.
17Sa nei koya na sala ni bula e sa vakabauta nai vakavuvuli: ia ko koya sa bese ni vunauci sa na lako sese.
18O koya sa vunia nona veicati e na tebenigusu lasu, kei koya sa cavuta na ka-kase, erau sa tamata lialia.
19Ni sa vuqa na vosa ena sega ni yali na ka ca: ia ko koya sa tarova na tebenigusuna, sa vuku.
20A siliva talei na yamena na yalododonu: ia na lomadra na tamata ca sa sega so ni yaga.
21A tebenigusuna na yalododonu sa vakani ira na lewe vuqa: ia ko ira na lialia era mate ga ni ra dravudravua e na vuku.
22A loloma ga i Jiova sa ia na veiva-kavutuniyautaki, a sa sega ni kuria ko koya e na ka rarawa.
23Sa vaka na qito vua na lialia mei valavala ca: ia ka sa yalomatua na tamata vuku.
24Ena yaco ga vua na tamata ca na ka e sa rerevaka: ia ena soli vua na yalododonu na ka e domona.
25Me vaka na covulaca ka sa lako tani yani, sa yali vakakina na tamata ca: ia sa nei koya na yalododonu na yavu e tawa oti.
26Me vaka na wai wiwi ki na batida, kei na kubou ki na matada, sa vakakina na vucesa vei ira sa talai koya.
27A rerevaki Jiova na ka e kuri kina na siga: ia na nodra yabaki nai valavala ca ena muduki laivi.
28A ka era namaka na yalododonu era na rekitaka: ia na ka era namaka nai valavala ca ena tawa yaco.
29A sala i Jiova na kaukauwa vei ira na yalododonu: ia na rusa ga ena yaco vei ira na daucaka ca.
30Ena sega sara ga ni yavalati na yalododonu: ia ko ira nai valavala ca era na sega ni vakatawai vuravura.
31A gusuna na yalododonu sa dautu-bura na ka vuku: ia na yame vosavakatani ena seledruti laivi.
32A tebenigusuna na yalododonu sa kila na ka e vinaka: ia na gusudra nai valavala ca na ka vakatani.
Currently Selected:
Ai Vola Vakaibalebale 10: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
