Ai Vola Vakaibalebale 7
7
Ai vakaro me vuku na cauravou, me kakua ni muria na alewa ca, 1-5. Sa tukuna nai valavala ni alewa dauyatagane, 6-23. Sa ia tale nai vakaro, 24-27.
1NA luvequ, mo muria na noqu vosa, ka maninitaka vei iko na noqu vunau. 2Mo maroroya na noqui vakaro, mo bula; kei na noqu vunau me vaka na loa ni matamu. 3Vauca ki nai qaqalo ni ligamu, vola ki na dela ni lomamu. 4Mo kaya ki na vuku, O iko na ganequ; ka vakatoka na yalomatua me wekamu alewa: 5me rau maroroi iko mai na alewa tani, mai vua na kai tani sa veicavilaki e nona vosa.
6Ia mai na katuba cicila ni noqu vale, niʼu a rai yani mai nai sogo lailai ni noqu katuba, 7kaʼu a raici ira na yalowai, kaʼu kunea e na kedra maliwa na gone, e dua na cauravou sa sega ni vakayalo, 8a sa lako voli yani e na sala ka volekata na nona tikina na alewa; a sa muria na sala ki nona vale, 9ni sa bogi na vanua, e na yakavi, ni sa bogi loaloa ka butobuto mai: 10ka, raica, sa rau veitata kaya e dua na alewa, sa vakaisulu e nai sulu ni alewa dauyatagane, a sa qaseqase na yalona. 11(Sa dauvosa ko koya, ka yalokaukauwa, a sa sega ni tiko dei e nona vale na yavana: 12o qo sa tiko etautuba, o qo tale e nai saqata ni koro, a sa lawaki tu e na tutu ni sala kecega.) 13A sa tauri koya, ka reguca, a sa vaqaqataka na matana vua, ka kaya, 14Sa tu vei au nai madrali ni veivinakati; e na siga edaidai kaʼu sa ia oti na noqu vosavavakini: 15o koya kaʼu a lako mai kina me tavaki iko, meʼu qara matua na matamu; ia kaʼu sa qai kunei iko. 16Au sa vakaiukuukutaka oti na noqui kotokoto e nai tutuvi vinaka, kei na ka sa ceuti, kei na malo matailalai ni Ijipita: 17au sa vakaisaluakitaka na noqui davodavo e na mura, kei na yasi, kei na sinamoni. 18Daru mai laʼki vakamamautaki mada e na loloma me mataka: me daru veivakacegui sara e na veilomani: 19ni sa yali mai vale na tagane, sa laʼki lako vakayawa: 20sa kauta kaya e dua na taga lavo, ena lako tale mai ki neitou e na siga ga ka lokuci. 21E nona vosa matavinaka e vuqa sa rawai koya, e na vosaveicavilaki ni tebenigusuna sa vakaukauwataki koya: 22sa laʼki muri koya sara, me vaka na karavau ni sa laʼki vakamatei, ia me vaka na sesewa ni sa laʼki vesuki e nai vesu kau; 23ka me qai laubasikataka na yatena na moto; me vaka na manumanu ni sa kusarawa yani ki nai cori, ka sa sega ni kila ni sa ka me mate kina.
24Dou mani rogoci au mada, ragone, ka vakarorogo ki na vosa ni gusuqu. 25Me kakua ni lesu tani yani na yalomu ki nonai valavala, kakua ni lako sese voli e nona sala: 26ni sa vakabalei ira oti na qaqa e lewe vuqa: io, sa vakamatei ira na kaukauwa e lewe vuqa. 27A nona vale na sala ki eli, sa lako sobu ki na loma ni vanua ni mate.
Currently Selected:
Ai Vola Vakaibalebale 7: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
