Ai Vola Vakaibalebale 6
6
Ai vakaro me kakua ni ia na veiyalayalati me ca kina, 1-5. A vucesa, 6-11, kei na be, 12-15. A ka e vitu e sa cata ko Jiova, 16-19. A kena yaga na talairawarawa, kei na kena ca na dauyalewa, 20-35.
1NA luvequ, kevaka ko sa yalati iko mei sosomi ni kai nomu, ka sa ia na veiyalayalati kaya na kai tani, 2ka sa coriti e na vosa ni gusumu, ka sa vauci e na vosa ni gusumu. 3Mo ia mada na ka o qo, na luvequ, ka sereki iko, ni ko sa lutu ki na ligana na kai nomu; lako mada, mani vakamalumalumutaki iko, mo mani rawai koya na kai nomu. 4Kakua ni solia me moce na matamu, se sosovu na dakudaku-ni-matamu: 5vakabulai iko me vaka na teira mai na ligana na dauveivakasavi, kei na manumanu mai na ligana na dau-biri dai.
6Mo lako vua na lo, ko iko na dauvu-cesa; mo nanuma mada na nonai valavala, mo vuku: 7o koya sa sega e tubera, se vakaraica, se lewa, 8a sa cokonaka ga na kena e na vula i katakata, ka kumuna na kena kakana e na vula i matua. 9Me vakaevei na kena dede na nomu koto no, ko iko na dauvucesa? o na duri ninaica mai na nomu moce? 10Me vakalailai tale na moce, vakalailai na sosovu, vakalailai na roqoveinu me moce: 11ia ena lako tu mai me vaka na daulako na nomu dravudravua; kei na nomu viakana mai, me vaka na tamatai valu.
12A tamata ca, ia na daucaka cala, sa daucakacaka tiko ko koya e na gusu takelo: 13sa sauriva e na matana, sa vosa tiko e na yavana, sa vakavuvuli e nai qaqalo ni ligana; 14sa tiko e lomana na ka veve, sa vakanananu ca tikoga; sa kaburaka na veileti. 150 koya ena yaco vakidacala kina na nona rarawa; ena musuki vakidacala ko koya, ka sega ni vakabulai.
16Na ka e ono o qo sa cata ko Jiova: io, e vitu sa ka vakasisila ki na yalona: 17na mata viavialevu, na yame daulasu, kei na liga sa vakadavea na dra tawa cala, 18na yalo e veinanuyaka na ka ca, na yava sa kusarawa ni ciciva na ca, 19na dautukutuku vakailasu sa vosa lasu, kei koya sa kaburaka na veileti vei ira na veiwekani.
20Na luvequ, mo vakabauta nai vakaro i tamamu, ka kakua ni biuta na vunau i tinamu: 21vauca tikoga ki lomamu, bukia ki domomu: 22ni ko sa lako voli, ena tuberi iko; ni ko sa moce koto, ena maroroi iko; ia ni ko sa yadra cake, ena veivosaki kei iko. 23Ni sa cina nai vakaro, ka rarama na vunau; a sa sala ni bula nai vakavuvuli ni vunau: 24me maroroi iko mai na alewa ca, kei na nona vosaveicavilaki na alewa tani. 25Kakua ni domona e lomamu na nona matavinaka; me kakua talega ni rawai iko ko koya e na dakudaku-ni-matana: 26ni sa dauyaco vuana tagane e na vukuna na alewa dauyatagane me dua bauga na tiki ni madrai me kena: ia na alewa dauyatagane sa dauvakasava na bula talei. 27Me kau buka waqa li na tagane e lomaserena, ka sega ni kama na nonai sulu? 28Me lako rawa li e dua e na dela ni qilaiso ni buka waqa, ka sega ni qesa na yavana? 29Sa vakakina ko koya sa curu vua na watina na kai nona; ena sega sara ni donu ko koya sa tarai koya. 30Sa sega e cati koya na butako, kevaka sa butakoca na ka me mamau kina ni sa viakana; 31ia kevaka sa kunei, ena sauma vakavitu; ena solia na ka kecega e nona vale. 32Ia ko koya sa ia na dauyalewa, sa yali na nona vuku: o koya sa kitaka sa vakarusa na yalona. 33Ena kena kina na vue kei nai rogo ca; ia na kenai rogorogo ca ena sega ni qusi laivi: 34ni sa nona cudru dina na tagane na vuvu: ia ena tawa vosota e na si ga ni veisaumi: 35ena sega ni vakadonuya e dua nai soro; ena sega talega ni bau cegu, kevaka ko sa vakalevutaka na ka ko sa solia.
Currently Selected:
Ai Vola Vakaibalebale 6: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
