Ai Vola Vakaibalebale 5
5
Ai vakaro me vuli vuku, 1, 2. E ca sara nai valavala ni alewa ca; era daurusa era vakarorogo kina, 3-14. A ka yaga nai valavala malua, 15-21; ia na tamata ca, e daucoriti ko koya e na nonai valavala ca, 22, 23.
1NA luvequ, mo vakarorogo ki na noqu vuku, vakala daligamu ki na noqu yalomatua: 2mo vakabauta kina na lomakasa, ia na vosa vuku me tu ga e na tebenigusumu.
3Ni sa titiri me vaka na qa ni oni na tebenigusuna na alewa tani, a sa dada vakalevu na gusuna ka vakalailai na waiwai: 4ia ka sa gaga na kenai otioti me vaka na duva gaga, a sa gata me vaka nai seleiwau bati-rua. 5Sa lako sobu ki na mate na yavana; sa taura nai bulubulu na nonai lakolako. 6Do ko vakasama na sala ni bula, sa veilakoyaki na nonai valavala, e dredre mo kila. 7Dou rogoci au mada, ragone, ka kakua ni lako tani ki na vosa ni gusuqu. 8Mo cakava na nomu sala me veiyawaki kaya, kakua ni torova na katuba ni nona vale: 9do ko solia vei ira na tani na kemui rogo vinaka, kei na nomu veiyabaki vei ira na tawa loloma: 10de mamau ko ira na tani e na nomui yau; ka tiko na ka ko oca kina e na vale ni kai tani; 11ia ko qai vutugu maimuri, ni sa kani oti na lewemu kei na yagomu, 12ka ko kaya, Ule niʼu a cata nai vakavuvuli, ka beca na vunau na lomaqu; 13ka sa sega ni vakarogoca na domodra era vakavulici au, ia vei ira era vunauci au kaʼu a bese ni vakala daligaqu! 14Sa vo e lailai meʼu vakaitavi e na ka ca kecega e na kedra maliwa nai vavakoso kei nai soqosoqo.
15Mo gunu wai mai na nomui keli-wai, kei na wai drodro mai na nomu mata-ni-wai. 16Me dui dave voli yani na nomu soniwai, io, na veiuciwai e nai saqata ni koro. 17Me sa nomu duaduaga, ka sega ni nomudou kei na kai tani e so. 18Me kalougata na nomui vurevure; ia mo marautaki koya na watimu ni ko a cauravou. 19Me sa vaka na teira dauloloma ko koya, kei na koti alewa kila sa matavinaka; mo mamau ga e na sucuna e na gauna kecega: mo rereki tikoga e nona loloma. 20Ia ka cava, na luvequ, ko via marautaka kina na alewa tani, mo mokota kina na lomaserena na tani? 21Ni sa tauci e na mata i Jiova nai valavala ni tamata, a sa daunanuma kecega na nonai lakolako. 22A nona caka cala na tamata ena tauri koya vakai koya, ia e nai vau ni nonai valavala ca ena vauci kina ko koya: 23ena mate ga ko koya ka tawa vakavulici; ia e na vuku ni nona lialia levu ena lako sese ga.
Currently Selected:
Ai Vola Vakaibalebale 5: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
