Ai Vola Vakaibalebale 4
4
Sa tukuna ko Solomoni ni sa vakavulici koya koi rau na nona qase, 1-4. Na ka e so ka vakavulici kina, 5-19. Sa qai ia tale ko koya na nonai vakavuvuli, 20-27.
1DOU rogoca, na luvequ, nonai vakavuvuli na tamamudou, ia dou vakarorogo me kila kina na vuku. 2Niʼu sa solia vei kemudou nai vakavuvuli vinaka, dou kakua ni biuta na noqu vunau. 3Niʼu a luvena bau ko tamaqu, au a nona ka malumalumu ka dua bau e na mata i koya ko tinaqu. 4A sa vakavulici au ko koya, ka kaya vei au, Me taura matua na noqu vosa na lomamu: mo vakabauta na noqui vakaro, mo bula.
5Mo rawa mada na vuku, mo rawa na yalomatua: kakua ni guilecava; kakua talega ni lesu tani mai na vosa ni gusuqu. 6Kakua ni biuti koya, ni na vakatawai iko: mo lomani koya, ni na maroroi iko. 7Na vuna ga na vuku; mo rawa mada na vuku: ia e na ka kece ko sa rawata mo rawata kei na yalomatua. 8Mo taleitaki koya, ena laveti iko kicake: ena vakarokorokotaki iko, ni ko sa cuqumi koya. 9Ena vakaisalataka na ulumu e nai ukuuku talei: ena solia vei iko nai sala vakaiukuuku. 10Mo rogoca, na luvequ, ka taura na noqu vosa; ena qai vuqa na yabaki ni nomu bula. 11Au a vakavulica vei iko na sala ni vuku; au sa tuberi iko e nai lakolako dodonu. 12Ni ko sa lako tu, ena sega ni vakaosoosotaki na yavamu; ia ni ko sa cici tu, ko na sega ni tarabe. 13Taura matua nai vakavuvuli; kakua ni laiva: mo vakabauti koya; ni sa nomu vu ni bula ko koya.
14Mo kakua ni curuma na nodra sala nai valavala ca, kakua talega ni muria na nodrai lakolako na tamata ca. 15Mo biuta ga, kakua ni torova, lesu tani maikina, ka lako tani yani. 16Ni ra sa sega ni moce, kevaka era a sega ni caka ca; a sa takali na nodra moce, kevaka era a sega ni ia na veivakacacani. 17Ni ra sa kania na madrai ni ca, ka gunuva na waini ni valavala kaukauwa. 18Ia na nodra sala na yalododonu sa vaka na rarama sa cila tu, sa levu cake tiko na kena rarama ka yacova na siga levu. 19Ia na nodra sala nai valavala ca sa vaka na butobuto: era sega ni kila na ka sa ra tarabe kina. 20Na luvequ, mo vakarorogo ki na noqu vosa; mo vakatu daligamu ki na ka kaʼu sa tukuna: 21me kakua ni lako tani e matamu; mo vakabauta ga e na vu ni yalomu. 22Ni sa vu ni bula vei ira era sa kunea, kei na wai-ni-mate ki na yagodra taucoko. 23Mo vakatawa vakavinaka sara na yalomu; ni sa taka maikina nai davedave ni bula. 24Biuta tani vei iko na gusu takelo, ia na tebenigusu vosaveve mo vakayawataka vei iko. 25Me rai vakadodonu yani na matamu, kei na dakudaku-ni-matamu me qaradonu ga kiliu. 26Mo lewa deivaka nai lakolako ni yavamu, ia na nomu sala kecega ena vakadodonutaki. 27Kakua ni ko lesu tani ki nai matau se nai mawi: tarova na yavamu mai na ca.
Currently Selected:
Ai Vola Vakaibalebale 4: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
