Ai Vola Vakaibalebale 29
29
1O KOYA, ni sa dauvunauci sa vakadomoqataki koya, ena vakarusai vakasauri, ka sega na ka me bula kina.
2Ni ra turaga na yalododonu, sa ra reki na tamata: ia ni sa lewa ko ira nai valavala ca, era sa tagi na tamata.
3A tamata sa vinakata na vuku sa vakamarautaki tamana: ia ko koya sa tiko vata kei ira na dauyatagane sa vakacacana na nonai yau.
4A tui sa lewa vakadodonu, sa vakadeitaka na vanua: ia ko koya sa dautaura nai cabocabo, sa vukica.
5A tamata sa veicavilaki vua na kai nona, sa kitaka na lawa me rawa na yavana.
6Ni sa caka cala na tamata ca, sa tacori kina: ia na yalododonu sa daumeke ka marau.
7Sa vakanananu na yalododonu ki na nona tiko vakaca na dravudravua: ia na tamata ca sa sega ni via kila kina.
8Sa ra tamata dauveivakalialiai sa tacori kina na koro: ia ko ira na tamata vuku era vakadaroya na cudru.
9Ke rau sa veileti na tamata vuku kei koya na tamata lialia, se cudru se dredre, ke sa sega ni vakacegu.
10O ira na ligaca era sa cati koya sa yalododonu: ia ko ira na yalododonu era gumatua me vakabulai koya. 11Sa cavuta kece na lomana na yalolialia: ia ko koya sa vuku sa tiko mada, sa qai vosa.
12Ke vakarorogo na turaga ki na vosa lasu, ke sa tamata ca ko ira kece na nonai talatala.
13A kaisi kei na turaga erau soqoni vata: sa vakararamataka ko Jiova na matadrau ruarua.
14A tui sa lewai ira vakadodonu na dravudravua, ena vakataudeitaki me tawa oti na nonai tikotiko.
15A kuita kei na vunau sa vakayacora na vuku: ia na gone sa biu wale tu sa vakamaduataki tinana.
16Ni ra lewe vuqa mai na tamata ca, sa levu mai nai valavala ca: ia ko ira na caka dodonu era na kunea na kedra bale.
17Mo vakavulica na luvemu, ena vakacegui iko: io, ena vakamarautaka na yalomu.
18Ni sa sega na parofita, era sa rusa na tamata: ia ko koya sa vakabauta na vunau, sa kalougata ko koya.
19Sa bese ni vakavulici e na vosa na dauveiqaravi: ke sa rogoca, ke sa sega ni via vosa mai.
20O sa kunea li na tamata sa daukusa ni vosa? sa na vuku rawa vei rau ko koya sa lialia.
21O koya sa susuga na nona tamata ni sa gone, ena yaco emuri ko koya o qo mo luvena.
22A tamata daucudru sa dauvuna na veileti, kei na tamata yalodauveikata sa daulevu na nona caka cala.
23A nona viavialevu na tamata ena vakasivoki kina: ia ko koya sa yalomalumalumu ena vakarokorokotaki tiko.
24O koya sai votavota kaya na daubutako sa cata na yalona dina: sa rogoca na vosavavakini, ia ka sega ga na ka e tukuna.
25A rerevaka na tamata sai yacoyaco ni cori: ia ko koya sa vakararavi vei Jiova ena tiko vinaka ga.
26Era lewe vuqa era kere loloma vua sa lewa; ia ka sa maivei Jiova ga na vosa-veilewai e na vukuna na tamata.
27A tamata tawa dodonu sa ka vakasisila vei ira na yalododonu: a sa ka vakasisila vua na tamata ca ko koya sa yalodina.
Currently Selected:
Ai Vola Vakaibalebale 29: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
