Ai Vola Vakaibalebale 28
28
1ERA dro ni sa sega e vakasava ko ira na tamata ca: ia ko ira na yalododonu era sa qaqa me vaka na laioni.
2E na vuku ni sa caka cala na vanua sa vuqa kina na kena turaga: ia e na vuku ni tamata vuku ka daukila ka ena tiko dei kina.
3A tamata kaisi sa vakasaurarataki ira na kaisi sa vaka na uca tau bi ka sega na kakana e vo. 4O ira sa biuta na vunau era vakavinavinaka vei ira na tamata ca: ia ko ira era vakabauta na vunau era veivunauci kei ira.
5O ira na tamata ca era sa sega ni kila nai valavala dodonu: ia ko ira era qaravi Jiova era sa kila rawa na ka kecega.
6Sa vinaka na dravudravua sa muria na nona yalododonu, ka ca ko koya sai valavala veve, io kevaka sa vutuniyau.
7O koya sa vakabauta na vunau sa gone vuku: ia ko koya sa tiko vata kei ira na daukana sa vakamaduataki tamana.
8O koya sa kuria na nonai yau ni sa soli lavo me vakaisausaumi tawa dodonu, ena kumuna me nona sa na lomani koya na dravudravua.
9O koya sa vaqara tani na daligana me kakua ni rogoca na vunau, io na nona masumasu ena ka vakasisila.
10O koya sa cakava na yalododonu me lako sese e na sala ca, ena lutu ko koya dina ki na nonai keli: ia ko ira na yalododonu era na taukena na vinaka.
11A tamata vutuniyau sa nanumi koya me vuku: ia na dravudravua sa lomavuku ena tarotarogi koya.
12Ni ra reki na yalododonu, sai rogo vinaka sara: ia ni ra sa vakalevui na tamata ca, ena qai tarotarogi na tamata.
13O koya sa ubia na nonai valavala ca ena sega ni tamata yaco: ia ko koya sa vakatusa ka biuta ena yalolomani.
14Sa kalougata na tamata sa rere tikoga: ia ko koya sa vaqaqataka na yalona ena lutu ki na ca.
15A turaga ca sa lewai ira na tamata dravudravua sa vaka na laioni sa tagi, kei na pera kata.
16A turaga sa tawa vuku sai valavala vakaukauwa sara talega: ia ko koya sa cata na kocokoco ena vakabalavutaka na nona bula.
17A tamata sa ia na veiraravui ena dro ki nai keli; me kakua e dua na tamata e vakabula.
18O koya sa lako vakadodonu ena bula: ia ko koya sai valavala veve ena bale vakasauri.
19O koya sa dauwereca na nona vanua ena levu na kena: ia ko koya sa muri ira na tawa yaga ena levu na nona dravudravua.
20A tamata lomadina ena vakalougatataki vakalevu: ia ko koya sa kusarawa ni vutuniyau ena sega ni donu.
21Sa sega ni vinaka me vinakata loa na tamata; ni na caka ca na tamata ko ya me dua bau kina na kena kakana.
22O koya sa kusarawa ni vutuniyau sa mata ca, ka sega ni nanuma ni na yaco vua na viakana.
23O koya sa vunauca na tamata ena lomani emuri, ka cati ko koya sa vosaveicavilaki.
24O koya sa butakoci tamana sei tinana, ka kaya, Sa sega ni ca; o koya o qo nai karua ni dauveivakarusai.
25O koya sa yalolevu sa dauvuna na veileti: ia ko koya sa vakararavi vei Jiova ena uro mai.
26O koya sa vakararavi ki na lomana sa lialia: ia ko koya sai valavala vuku, ena vakabulai.
27O koya sa soli ka vua na dravudravua ena sega ni viakana: ia ko koya sa tabonaka na matana ena vosacati vakalevu.
28Ni ra sa tubu dole na tamata ca, era sa qai vuni ira vakai ira na tamata: ia ni ra sa takali, era lewe vuqa mai na yalododonu.
Currently Selected:
Ai Vola Vakaibalebale 28: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
