Ai Vola Vakaibalebale 27
27
1MO kakua dokai iko e na vuku ni sabogibogi; ni ko sa sega ni kila se na cava ena yaco e na dua na siga.
2Me dokai iko na tani, me kakua na gusumu; ia na kai tani ga, me kakua na tebenigusumu.
3Sa ka bibi na vatu, sa ka bibi talega na nuku; ia na nona cudru na tamata lialia sa bibi vei iratou.
4Sa tawa kila loloma na cudru, a sa vaka na waluvu na cudru waqawaqa; ia ko cei me na tiko rawa e na mata i vuvu?
5Sa vinaka na veivunauci votu ka ca na loloma vuni.
6Sa nona caka dina na weka ni tamata ni sa ia na veivuetaki; a sa nona veivakaisini ga na meca ni sa ia na veiregu.
7A tamata sa mamau sa cata na qa ni oni; ia vua sa viakana sa kamikamica na ka gaga kecega.
8Me vaka na manumanu sa lako sese tani mai na kenai su, sa vakakina na tamata sa lako sese tani mai na nona yasana.
9Ai lumu kei nai saluaki sa ka vakama-rau ki na loma ni tamata: sa vakakina na kena kamikamica na wekana ni sa bose vata kaya mai na vu ni yalona.
10A wekamu, kei na weka ni tamamu, mo kakua ni biuta; ia na vale i tacimu mo kakua ni lakova e na siga ko ca kina: ni sa vinaka na kai nomu sa tiko voleka ka ca na tacimu sa tiko vakayawa.
11Mo vuku, na luvequ, ka vakamarautaka na lomaqu, me dua na vosa meʼu tauca vua sa vakarogocataki au.
12O koya sa yaloqase sa kunea na ca, a sa vuni koya: ia ko ira na tawa vuku era sa lako voli yani, a ra sa cudruvi.
13Kauta na nonai sulu sa ia na veiyalayalati e na vuku ni kai tani: ka kauta na nonai kau e na vukuna na alewa tani.
14O koya sa vosaveivakaceguya vakadomoilevu na kai nona, ka souta sara e na mataka caca, ena okati vua me nona ruru.
15A tuturu tawa mudu e na siga ni uca levu, kei na alewa dauveileti, sa tautauvata: 16o koya sa via vuni koya sa vunia na cagi, kei nai lumu e ligana i matau, a ya sa tukuni koya.
17Sa vagatai na kaukamea e na kaukamea; ia na tamata, sa vagata vakakina na mata ni wekana.
18O koya sa vakatawa na lolo ena kania na vuana: sa vakakina e sa dauqarava na nona turaga, ena vakarokorokotaki ko koya.
19Me vaka sa ilovi e na wai na mata ni tamata, sa ilovi vakakina e na tamata na loma ni tamata.
20Ai bulubulu kei na rusa sa sega ni mamau rawa; sa vakakina na mata ni tamata, sa sega ni mamau rawa.
21Sa vakatovolei na siliva e na kuro, kei na koula e na lovo; kei na tamata e na gusu i koya sa dokai koya.
22Kevaka ko sa vutuka vata e na sedre e nai vutu na tamata lialia kei na sila, ena sega ga ni takali vua na nona lialia.
23Mo kila deivaka se vakaevei na nomu sipi, raica vakavinaka na nomu karavau: 24ni sa tawa tu dede sara nai yau: ia nai sala vakaturaga ena yaco tiko li ki nai tabatamata kecega? 25Sa tubu mai na co, a sa rairai mai na buroro, a sa covi mai na veico mai na veiulu-ni-vanua: 26a luve ni sipi sa yaga mo vakaisulu rawa, kei na koti mei voli ni were, 27kei na wai-ni-sucu mei coi ni kemu madrai, kei na kedra na nomu lewe ni vale, kei na ka me ra bula kina na nomu gonealewa.
Currently Selected:
Ai Vola Vakaibalebale 27: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
