Ai Vola Vakaibalebale 25
25
1O QO talega na Vosa vakaibalebale i Solomoni, a ya ka vola ko iratou na tamata i Isikiya na tui Juta.
2Sa rogo na Kalou ni sa vunia na ka: ia ka sa rogo ko ira na tui ni ra sa taroga matua e na ka.
3A kena cecere na lomalagi, kei na kena titobu na vuravura, kei na kena tawa kilai rawa na lomadra na tui.
4Kauta tani na qele mai na siliva, ena qai dua na kena bilo na dauriri siliva.
5Kauti koya tani na tamata ca mai na mata ni tui, ena vakataudeitaki e na ka dodonu na nonai tikotiko.
6Kakua ni dokai iko e matana na tui, ia e na kedra yasana na tamata turaga kakua ni ko tu: 7ni sa vinaka me ra kaya vei iko, Mo lako cake mai kike; ka ca mo vakatalai sobu e na mata i koya na tui ko sa raica.
8Kakua ni kusarawa ni laʼki veileti, do ko lecava na ka mo cakava e na kenai otioti, ni sa vakamaduataki iko na kai nomu. 9Drau veiletitaka na nomu ka kei koya ga na kai nomu; ia mo kakua ni tukuna na ka vuni vua e dua tani: 10de vakamaduataki iko ko koya sa rogoca, ka sega ni takali rawa na kemui rogo ca.
11A ka sa vosataki ni sa qai yaga sa vaka na wi koula e na kato siliva.
12A sau koula, kei na ka ni uku e koula dina, ko koya sa vunauca na daliga rogo.
13Sa vaka na liliwa ni uca-vulavula e na vula i mago, ko koya nai talatala dina vei ira sa talai koya: ni sa bula kina na yalodra na nona turaga.
14O koya sa dokai koya e na nonai solisoli lasu, sa vaka na o kei na cagi ka sega na uca.
15Sa yalomatua e sa rawa kina na turaga, ia na yame malumalumu sa musuka na sui.
16O sa kunea li na oni? kania ga na rauti iko do ko mamau kina, ka luaraka.
17Tarova na yavamu mai na vale ni kai nomu; de sosa, ka cati iko.
18A tamata sa tukuni koya vakailasu na kai nona sai tukituki, kai seleiwau, ka gasau gagata.
19A vakararavi vua na daulawaki e na siga ni rarawa sa vaka na bati ca, kei na yava sa mavule.
20 Me vaka na kauta tani nai sulu e na siga liliwa, kei na livi wai wiwi ki na dela ni lase, sa vakakina ko koya sa ia na meke vua sa bibi na lomana.
21Kevaka sa viakana na nomu meca, mo vakania e na madrai; kevaka sa viagunu, mo solia vua na wai ni gunu: 22ni ko na binia na qilaiso ni buka waqa ki na uluna, ia ena sauma vei iko ko Jiova. 23Sa tokalau sa kauta mai na uca: a sa mata cudrucudru sa kauta mai na kakase vuni.
24Sa vinaka ni tiko e na tutu ni dela ni vale, ka ca ni tiko kaya na alewa dauveileti e na vale levu.
25 Me vaka na wai liliwa vua sa viagunu, sa vakakina nai tukutuku vinaka mai na vanua vakayawa.
26A tamata yalododonu sa cuva vua na tamata ca sa vaka na mata-ni-wai vuvu, kei nai vurevure wai-ca.
27Sa sega ni vinaka me kania vakalevu na oni: a sa sega ni rogo vinaka me ra kerei rogo na tamata.
28A tamata sa sega ni lewa rawa na yalona sa vaka na koro sa kabasu, ka sega ni vakabai.
Currently Selected:
Ai Vola Vakaibalebale 25: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
