Ai Vola Vakaibalebale 20
20
1A DAUVEIVAKALIALIAI na waini, a daucudru na yaqona: ia ko ira kece era vakacalai kina era sa tawa vuku.
2Sa vaka na tagi ni laioni na cudru ni tui: o koya sa vakacudrui koya sa caka ca ki na yalona dina.
3Sai rogo vinaka ni tamata ni sa cegu mai na veileti: ia na yalolialia era na dui via yaga kina.
4Ni sa liliwa, ena sega ni via ia na cuki na vucesa; ena vosai e na vula i katakata, ka sega ga.
5Sa wai titobu na lewa e na loma ni tamata; ia na tamata vuku ena takiva mai.
6Era lewe vuqa na tamata era na dui tukuna yadua na nodra, yalovinaka: ia na tamata lomadina ko cei me kunea?
7Sa muria na nona yalodina na yalo dodonu; era sa kalougata na luvena era taravi koya.
8A tui sa tiko e nai tikotiko ni veilewai sa vakaseva e na matana na ka ca kecega.
9O cei me kaya rawa, Au sa vakasavasavataka na yaloqu, au sa savasava mai na noqui valavala ca?
10Ai vakabibi tani, kei nai vakarau tani, sa ka vakasisila ruarua vei Jiova.
11Io na gone sa kilai e nonai valavala, i se savasava ka dodonu na nona cakacaka, se segai.
12A daliga rogo, kei na mata rai, sa cakava ruarua ga ko Jiova.
13Kakua ni ko vinakata na moce, do ko dravudravua mai; me yadra mada na matamu, o na qai vakamamautaki e na kakana.
14Sa ka ca, sa ka ca, e kaya na dauveivoli: ia ni sa lako tani yani, sa qai vakacaucautaka.
15Sa tu na koula, kei na rupi e vuqa: ia ka sa ka talei duaduaga na tebenigusu vuku.
16Mo kauta na nonai sulu sa ia na veiyalayalati e na vuku ni kai tani: ka kauta na nonai kau e na vukuna na alewa tani.
17Sa kamikamica vua na tamata na kakana ni lasu ia emuri ena sinai na gusuna e na laqere.
18A ka e nakiti sa vakataudeitaki e na bose: ia ni sa lewai vinaka mada, mo qai ia nai valu.
19O koya sa lako voli ka daukakase sa tukuna na ka e tabu ni tukuni: ia mo kakua kina ni veiriti kaya sa vosaveicavilaki.
20O koya sa rukaki tamana sei tinana, ena bokoci na nona cina me butobuto loaloa.
21Ai yau sa na taukeni vakusarawa beka e nai vakatekivu; ia na kenai otioti ena tawa kalougata.
22Mo kakua ni kaya, Au na sauma na ca; mo waraki Jiova ga, ena vakabulai iko.
23A ka vakasisila vei Jiova nai vakabibi tani: ia nai vakarau ni bibi lasu sa sega ni vinaka.
24Sa maivei Jiova na nonai lakolako na tamata; ia na tamata, me qai kila vakaevei na nona sala?
25Sa tacori na tamata ni sa kania na ka tabu, ni vosavavakini oti, ka qai taroga emuri.
26A tui vuku sa vakasevi ira na tamata ca, ka vutuki ira e ruku ni ka e vaqiqici yani.
27Sa cina i Jiova na yalo ni tamata, sa cinava na tikina kece ni lomana.
28A yalololoma kei na yalodina nai vakabula ni tui: ia nai tutu ni nonai tikotiko vakaturaga na yalololoma.
29Sa nodra ka ni lagilagi na cauravou ni ra sa kaukauwa: kei na nodrai ukuuku na qase na ulu sika.
30A vue e loaloa nai sava ni ca, ia na kuita sa kenai sava na loma ni tamata.
Currently Selected:
Ai Vola Vakaibalebale 20: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
