Ai Vola Vakaibalebale 19
19
1SA vinaka ko na dravudravua sa muria na nona yalododonu, ka ca ko koya sa vosaveve, a sa lialia.
2A ka o qo talega, sa sega ni yaga ki na yalo me tawa vuku; ia ko koya sa kusarawa na yavana sa cala.
3A lialia ni tamata e sa sese kina na nonai valavala: ia sai Jiova e sa didi kina na lomana.
4Ai yau sa lewe vuqa kina na weka ni tamata; ia ko koya e dravudravua sa tawase tani vua na kai nona.
5A dautukutuku lasu ena tawa donu, ia ko koya sa vosa lasu ena sega ni dro bula.
6Era lewe vuqa era na via vakavinavinakataki koya na turaga: ia na tamata kecega era via veitau kaya sa dausoli ka.
7O ira kece na tacina na dravudravua era sa cati koya: ia na wekana, sa na ka tani, se segai, na nodra via veiyawaki kaya? sa cicimuri ira e na vosa, ka sega ga.
8O koya sa rawa vuku sa lomana na yalona: o koya sa taura tiko na yalomatua ena kune ka vinaka.
9A dautukutuku lasu ena tawa donu, ia ko koya sa vosa lasu ena rusa.
10Sa sega ni kili kaya na lialia na rereki; ka sega sara ni kili kaya na tamata wale me lewai ira na turaga.
11A nona yalomatua na tamata e sa bera kina na nona cudru; a sa ka e rogo vinaka kina ni sa yalobalavutaka na ka e cala.
12Sa vaka na tagi ni laioni na cudru ni tui; a sa vaka na tegu e na dela ni co na nona loloma.
13A ka rarawa kei tamana na gone tagane lialia: ia na tuturu tawa mudu na nona veileti na wati alewa.
14A vale kei nai yau na ka era taukena na qase: a sa maivei Jiova ga na wati alewa sa yaloqase.
15A vucesa na vu ni moce lutu; ia na yalodaugu ca ena viakana.
16O koya sa vakabauta na vunau sa maroroya na yalona; ia ko koya sa vakawaletaka na nonai valavala ena mate.
17Sa ia na veisaravi vei Jiova ko koya sa yalolomani ira na dravudravua; ia na kenai voli ena solia vua.
18Mo yavita na luvemu ni sa vinaka rawa, ia ni sa tagi, me kakua ni lekaleka kina na lomamu.
19A tamata daucudru ena cudruvi: ia ni ko sa ia na veivakabulai, ko na baki oca tale vakarua.
20Mo rogoca nai vakaro, ka vakabauta nai vakavuvuli, mo vuku kina e na nomu gauna kimuri.
21E vuqa na ka e nanuma kina na loma ni tamata: ia na lewa i Jiova, ena tu ga o qori.
22A ka e daudomoni kina na tamata ni sa yalololoma ko koya; ia ka sa vinaka na tamata dravudravua ka ca na tamata daulasu.
23A rerevaki Jiova na vu ni bula: ia ena tiko vakasautu na kenai taukei; ena sega na ca me yacovi koya.
24A tamata vucesa sa roqoveinu tiko, a sa bese ni kauta tale mai na ligana ki gusuna.
25Mo yavita na dauveivakalialiai, ena lomakasa kina na tawa vuku: ia mo vunauci koya sa yalomatua, ena vakavulici kina.
26O koya sa butakoci tamana, ka vakasevi tinana, sa gone e veivakamaduataki, ka veivakarogocataki.
27Mo cegu, luvequ, ni rogoca nai vakavuvuli sa ia na veivakacalai mai na vosa vuku.
28A dautukutuku ca sa beca na veilewai: ia na gusudra na tamata ca sa kana ki nai valavala ca.
29Sa vakarautaki me kedra na tamata be na cudruvi, kei na kuita ki na dakudra na lialia.
Currently Selected:
Ai Vola Vakaibalebale 19: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
