Ai Vola Vakaibalebale 18
18
1NI sa tawasei koya tani na tamata, sa qara na ka e domona, a sa vakaogai koya e na vuku kece sara.
2Sa tawa reki ni vuli vuku na lialia, sa reki ga ni tukuna na lomana.
3Ni sa lako mai na tamata ca, sa lako mai kei na veibeci, a veivakamaduataki vata talega kei na veivakaisini.
4Sa wai titobu na vosa ni gusu ni tamata, ia na uciwai drodro nai vurevure ni vuku.
5Sa sega ni vinaka na vinakata loa na matana na tamata ca, me vukica kina na yalododonu ni sa lewai.
6A tebenigusu lialia sa rika ki na veileti, ia na gusuna, sa kere kuita.
7Sa gusuna na lialia sa rusa kina ko koya, a sa tebenigusuna sai cori ni yalona.
8A vosa ni daukakase sa vaka na vue, a sa lau ki na vu ni loma ni tamata.
9O koya talega e gu ca e na nona cakacaka, sa rau veitacini kei na dauvakacaca ka.
10A vale-cecere e kaukauwa na yaca i Jiova: sa dro kina na yalododonu, a sa bula.
11Ai yau ni tamata vutuniyau sa nona koro kaukauwa, a sa vakasama ko koya ni sa vaka na bai cecere.
12Sa liu na viavialevu e na loma ni tamata, a sa tarava na rusa; ia na vakarokorokotaki sa veitaravi kei na yalomalumalumu.
13O koya sa vosa e na ka ni sa sega ni rogoca, sa nona lialia ka ka me madua kina. 14A yalo ni tamata sa rawata ni sa tauvi mate; ia na yalo e vuetaki ko cei sa rawata o qori?
15A lomana na yalomatua sa rawa vuku; kei na daligana na yalovuku sa gu ni kila ka.
16A nonai solisoli na tamata sa nonai veivakalalagataki, a sa kauti koya ki na matadra na tamata turaga.
17Sa vaka e dodonu ko koya sa liu e na nona ka e veiletitaki; ia ka sa tarava mai na kai nona ka tarotarogi koya.
18A veileti sa vakaoti e na madigi, a rau sai votavota rawa na kaukauwa.
19A veitacini erau veimecaki sa dredre ka rawarawa na koro kaukauwa: ia na nodrau veicudruvi sa vaka nai sogo ni vale kaukauwa.
20E na vua ni gusuna sa na mamau kina na kete ni tamata; ena vakamamautaki talega e na ka e tubu mai na tebenigusuna.
21A mate kei na bula sa rawa e na yame ni tamata: ia ko koya sa vinakata sa na kania na vuana.
22O koya sa kunea e dua me watina sa kunea na ka vinaka, a sa rawai loloma maivei Jiova.
23Sa ia na vakamamasu na dravudravua; ia na vutuniyau sa vosa kaukauwa ga.
24A tamata sa vakaveiwekani, mei valavala vakaveilomani ko koya: a sa dua na weka e sa veikabiti vakalevu ka vakalailai na veitacini.
Currently Selected:
Ai Vola Vakaibalebale 18: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
