Ai Vola Vakaibalebale 17
17
1SA vinaka e dua na tiki ni madrai mamaca, kei na vakacegu, ka ca ni oso na vale e nai madrali, ni sa tu kei na veileti.
2A dauveiqaravi vuku ena turaga vua na gone vakaturaga sa ia na veivakamaduataki, enai votavota vata talega kei ira na tautacini.
3A kuro ei vakatatovotovo sa yaga ki na siliva, kei na lovo ki na koula: ia ka sa vakatovolea na yalo ko Jiova.
4A tamata ca sa vakarorogo ki na tebenigusu lasu; a sa vakatu daligana na daulasu ki na yame ca.
5O koya sa vakalialia na dravudravua sa vunauci Koya ka Buli koya: o koya talega sa rekitaka na ca ena sega ga ni donu.
6Sa nodrai sala vakaturaga na qase na luve ni luvedra; a sa nodrai ukuuku na gone ko tamadra.
7Sa sega ni kili kaya na lialia na vosa vakaturaga: ka sega sara ni kili kaya na turaga na tebenigusu daulasu.
8Sa vatu vakaiukuuku nai loloma e matana na kenai taukei: a yasana kece e gole kina, sa yaco ga kina.
9O koya sa ubia na caka cala sa qara loloma; ia ko koya sa daucavuta na ka sa tawasei ira era veiwekani dina.
10Sa coba vakalevu na vunau vua na yalomatua, ka vakalailai vua na lialia na nona kanakuita vakadrau.
11A talaidredre ga ka sa gumatua kina na tamata ca: ena talai kina vua nai talaki lomaqa.
12E vinaka vua na tamata ni rau sota kaya na pera sa kovei na luvena, ka ca vua ni rau sota kaya na lialia ni sa lialia mai.
13O koya sa sauma na vinaka e na ca, ena sega ni yali na ca mai na nona vale.
14 Sa vaka e dua sa dola wai nai vakatekivu ni veileti; ia ni sa bera ni tubu na veileti, mo biuta ga.
15O koya sa vakadonuya na tamata ca, kei koya sa vakacalai koya sa caka dodonu, erau sa ka vakasisila ruarua vei Jiova.
16A cava na betena na kenai voli e ligana na lialia me voli vuku kina, ka sega na lomana kina?
17E na gauna kece ka sa loloma ga na weka ni tamata, ka sa tacina sa sucu e na siga ni rarawa.
18A tamata tawa vakayalo ko koya sa veitauri liga, ka veiyalayalati taki koya mei sosomi ni kai nona.
19O koya sa vinakata na veileti sa vinakata na caka cala: o koya sa vakacece-retaka na nona katuba sa qara na mate.
20O koya sa lomatakelo ena tawa kune ka vinaka: o koya talega sa yame vakatani ena lutuka na ca.
21O koya sa sucu na luvena ka tamata lialia sa na nona kina na rarawa: ena sega na marau vua na tama ni sesewa.
22A loma daureki sa wai yaga: ia na yalo sa kavoro nai vakamamaca ni sui.
23Ai tautauri mai lomasere sa taura mai ko na tamata ca, me kauta vakatani nai valavala ni veilewai.
24Sa tu ga e matana na yalomatua na vuku: ia na matana na lialia sa qara ki nai yalayala kei vuravura.
25Sa ka rarawa vei tamana na gone sesewa; kei na ka gaga vua ka vakasucuma.
26Ia na cudruvi koya sa yalododonu sa sega ni ka vinaka, se na nodra ia na veiyaviti na turaga nai sau ni ka dodonu.
27Sa tarova na nona vosa ko koya sa kila vuku: a sa dauyalovinaka na tamata yalomatua.
28Io na lialia, ni sa tiko lo, sa nanumi me vuku: ni sa sogorubu na tebenigusuna, sa yaloqase.
Currently Selected:
Ai Vola Vakaibalebale 17: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
