Ai Vola Vakaibalebale 16
16
1SA nei koya na tamata me vakarautaka na lomana; a sa maivei Jiova na vosa me kaya mai.
2A nonai valavala kecega na tamata sa savasava e matana; a sa vakatovolea na yalo ko Jiova.
3Mo vakalaiva vei Jiova na nomu cakacaka, ena vakataudeitaki kina na nanuma ni lomamu.
4Sa cakava na ka kecega ko Jiova me nona: io, na tamata ca talega ki na siga ca.
5Sa ka vakasisila vei Jiova ko ira yadua e viavialevu: ke ra veitauri liga ke sa sega ga me na tawa cudruvi.
6E na yalololoma kei na dina sa sava tani kina na caka cala: ia e na rerevaki Jiova ga sa ra dro tani kina na tamata mai na ca.
7Ni sa vinaka vei Jiova nai valavala ni tamata, sa cakavi ira talega na nona meca me ra veivinakati kaya.
8Sa vinaka na ka lailai kei na yalododonu, ka ca na kamunaga levu ni sa yali nai valavala dodonu.
9A loma ni tamata sa vakananuma na nona sala: ia ko Jiova ga sa lewa na nonai lakolako.
10A vosa vakaturaga sa tu e na gusuna na tui: ni sa lewa sa sega ni cala na gusuna.
11A vatu ni bibi kei nai vakarau ni bibi e dodonu sa nei Jiova: sa nona cakacaka kecega na vatu ni bibi e na taga.
12A ka era vakasisila kina na tui ni rai valavala ca: ni sa cakacaka dodonu ga e sa vakataudeitaki kina nai tikotiko vakaturaga.
13A ka era sa vinakata ko ira na tui na tebenigusu vosa dodonu; io ko koya sa vosa vakadodonu era sa lomana.
14A cudru ni tui sa vakai ira nai talatala kei mate: ia na tamata vuku ena vaka-malumutaka.
15E na rarama ni matana na tui sa tu na bula; kei na nona yalovinaka sa vaka na o e na uca taumuri.
16Na kena vinaka ni rawa na vuku, sa ca ni rawa na koula! kei na rawa na yalomatua na ka digitaki, ia na siliva e segai!
17Sa nona salatu na yalododonu me lako tani mai na ca: sa maroroya na yalona ko koya sa qarauna na nona sala.
18Sa liutaka na rusa na yaloqaciqacia, a sa liutaka na bale na yaloviavialevu.
19E vinaka ni yalomalumalumu kei ira na yalomatua, ka ca ni votavota kei ira na viavialevu e nai toki ni valu.
20O koya sa kila deivaka na vosa ena kune ka vinaka: kei koya sa vakararavi vei Jiova, sa na kalougata ga.
21O koya sa lomavuku ena vakatokai me yalomatua: ia ni sa kamikamica na tebenigusu, sa na tubu ga na ka e vakavulici.
22Sai vurevure ni wai bula na yalo-vuku vua sa taukena: ia na nodrai vakavuvuli na lialia na ka lialia ga.
23A lomana na vuku sa vakavukuya na gusuna, ka kuria nai vakavuvuli ni tebenigusuna.
24A vosa vinaka sa vaka na qa ni oni, sa ka kamikamica ki na yalo, a sa bula kina na sui.
25Sa dua na sala sa vaka sa vinaka vua na tamata, ia na kenai otioti sa sala ga ni mate.
26O koya sa oca sa oca e na vukuna; ni sa garova na ka vua na gusuna.
27O koya sa yaloca sa daukelia na ca: e na tebenigusuna sa vaka na buka waqa ka tu.
28A tamata lomavakatani sa kaburaka na veileti: kei koya na daukakase sa tawasei ira era veiwekani dina.
29A tamata lomaqa sa vecea na kai nona, a sa tubera e na sala e tawa vinaka: 30sa vakamocera na matana me vakasama na ka vakatani: ni sa yavala na tebenigusuna sa vakayacora na ca.
31Ai sala vakaiukuuku na ulu sika, ni sa kune e na sala ni valavala dodonu.
32Sa vinaka vei rau ko koya sa cudru malua e na tamata qaqa; o koya talega sa lewa na yalona vei koya sa kaba na koro.
33Sa biu ki loma ni sulu na madigi; vatu; ia ka sa maivei Jiova sara ga na kenai lewai.
Currently Selected:
Ai Vola Vakaibalebale 16: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
