Ai Vola I Opatiya Na Parofita 1
1
Sa tukuna ni ra na vakacacani na kai Itomi e na vuku ni nodra yaloviavialevu, kei na nodra cati ira na wekadra na luve i Jekope, 1-16. Ena vakabulai ko ira na luve i Jekope, ka gumatua vei ira na nodra meca, 17-21.
1A RAIVOTU i Opatiya.
Sa vosataka vakaoqo na Turaga ko Jiova na kei Itomi; E dua nai rogorogo oda sa rogoca maivei Jiova, ia sa dua na mata sa talai ki na veimatanitu; Dou tu cake, mo da mai tu cake mo veivaluti kaya.
2Kaica, au sa vakalailaitaki iko e na kedra maliwa na veimatanitu: sa ka levu na nomu beci. 3A viavialevu ni lomamu sa vakacalai iko, o iko sa tiko e na qara ni uluvatu, a sa cecere na nomui tikotiko; ka sa kaya e lomana, O cei me na kauti au sobu ki na qele? 4Ke ko tiko vakacecere mo vaka na ikeli, ka viritu na nomu sova o na maliwa ni kalokalo, ke maikeri kʼau na kauti iko sobu ga, sa kaya ko Jiova. 5Ko ra lako mai vei iko na daubutako, se na daukove o na bogi, (ulo na nomu muduki laivi!) ke ra na butakoca ga na ka o ganiti ira, se segai? ke ra lako mai vei iko na dauvoti-vaini, ke ra na vakavoca o so na vua-ni-vaini, se segai?
6Na kena vakadikevi ko Iso! sa vakasaqaqara! na nona yasana vuni! 7Ki nai yalayala ni vanua sa na kauti iko ko ira keco na nomui to: sa ra vakaisini iko, ka rawai iko, ko ira na wekamu; o ira dou a kana vata koi ira sa ra cakava na soki e rukumu; sa sega vua na vuku.
8Meʼu sega li o na siga ko ya, sa kaya ko Jiova, meʼu na vakarusai ira tani na tamata vuku mai Itomi, kei ira na yalomatua mai na ulu-ni-vanua nei Iso? 9A ra na taqaya na nomu qaqa, Temani, me ra dui muduki tani kina mai na ulu-ni-vanua nei Iso ni ra vakamatei. 10E na vuku ni nomui valavala kaukauwa vua na tacimu ko Jekope, ena ubi iko kina na madua, ia ko na muduki laivi ka tawa mudu. 11E na siga ko sa totaki ira kina na tani, o na siga sa vakabobulataka kina na nonai valu ko ira na kai tani, ka curu na meca ki na nona matamata-ni-koro, ka vakalutuka na madigi kei Jerusalemi, sai iko talega ko sa vaka o dua vei ira.
12Ia mo kakua ni vakaraica na kena siga na tacimu e na siga sa yacovi koya kina na ka tani; mo kakua talega ni marautaka na kedra na luve i Juta e na siga era ca kina; mo kakua talega ni vosa viavialevu e na siga era rarawa kina: 13mo kakua talega ni curu ki na nodra matamata-ni-koro na noqu tamata o na siga era ca kina; io ko iko, mo kakua ni vakaraica na nodra rarawa e na siga era ca kina; se ko drocadroca ki na nodrai yau e na siga era ca kina; 14mo kakua talega ni tu mai e na gau ni sala qiqo me muduki ira na kai nona era dro bula; mo kakua talega ni soli ira na kai nona sa vo e na siga era rarawa kina.
15Ni sa voleka mai na siga i Jiova na kedra kece na veimatanitu: me vaka na ka ko sa cakava, ena caka vakakina vei iko: a nomu dauveisaumi ena suka ki ulumu. 16Ni sa vaka ni dou a gunu e na noqu ulu-ni-vanua tabu, era na gunu kece tiko vakakina na lewe ni veimatanitu, io, era na gunu, ka tiloma sara, a ra na yaco me vaka era a sega ga.
17IA e na ulu-ni-vanua ko Saioni ena tiko na kena vo era dro bula, ena yalosavasava talega; ia na mataqali i Jekope ena taukena na nodra vanua. 18Ia na mataqali i Jekope ena yaco me buka, kei na mataqali i Josefa me yameyame ni buka, kei na mataqali i Iso me vu-ni-sila, a ra na vakacaudrevi ira, ka vakayavuna; ena sega talega e vo vei ira na mataqali i Iso; ni sai Jiova e cavuta. 19A ra na taukena ko ira mai na mata ni ceva na ulu-ni-vanua i Iso; kei ira mai na buca, na kai Filisitia; era na taukena talega na veiwere nei Ifireimi, kei na veiwere mai Samaria: ia ko Penijamini ena taukeni Kiliati. 20Ia ko ira sa bobula vei ira na mataivalu o qo, na luve i Isireli, era tiko vata kei ira na kai Kenani, ka yacovi Sarifaci; kei ira sa bobula vei irana kai Jerusalemi era tiko mai Sifarati, era na taukena na veikoro e na mata ni ceva. 21A ra na lako cake mai e so nai vakabula ki na ulu-ni-vanua ko Saioni me lewa na ulu-ni-vanua i Iso; ia ena nei Jiova na matanitu.
Currently Selected:
Ai Vola I Opatiya Na Parofita 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
