Ai Vola I Amosi Na Parofita 9
9
Ena tawa tarovi rawa na nodra cudruvi, 1-10. Ena vakaduri tale na vale i Tevita sa bale, 11-15.
1AU a raica na Turaga ni sa tu e dela ni cabocabo-ni-soro: a sa kaya ko koya,
Mo yavita na kenai ukuuku momokiti, me yavala kina na duru ni katuba: ia mo vuetaki ira kecega e na uludra; ia na nodra kawa kaʼu na vakamatei ira e nai seleiwau: ena tawa dro dina ko koya sa dro, ena tawa bula dina talega ko koya sa bula. 2Ke ra keli ki bulu, ke maikea sa na kauti ira cake mai na ligaqu; ia ke ra kaba cake ki lomalagi, ke maikea kaʼu na kauti ira sobu mai. 3Ia ke ra vunitaki ira e na dela i Karimeli, ke maikea kaʼu na qarai ira ka kauti ira mai; ia ke ra tabonaki ira ki mataqu e na boto ni wasawasa, ke maikea kaʼu na vosa ki na gata, ena kati ira ga: 4ia ke ra lako vakabobula e matadra na nodra meca, ke maikea kaʼu na vosa ki nai seleiwau, ena vakamatei ira ga: ia kaʼu na vaqara na mataqu vei ira me ra ca kina, ka sega ni vinaka.
5Ni sai koya na Turaga ko Jiova ni lewe vuqa sa tara na vanua, a sa waicala, a ra sa dui tagi kece era tiko kina: sa tubu cake sara ga me vaka na uciwai; a sa malumu sobu tale me vaka na uciwai mai Ijipita. 6Sai koya e tara mai loma-lagi na nonai taba loma ni vale ecake, ia na vu ni nona lagi sa tauyavutaka ko koya e vuravura; sai koya e kaciva na wai ni wasawasa, ka sovaraka sobu ki na dela i vuravura: o Jiova na yacana.
7Dou sa sega li ni vakai ira na kai Kusi vei au, oi kemudou na luve i Isireli? sa kaya ko Jiova. Sa sega li ni ira na Isireli kaʼu a kauta cake mai na vanua ko Ijipita? kei ira na kai Filisitia mai Kafitori, kei ira na kai Siria mai Kiri? 8Raica, na mata ni Turaga ko Jiova sa qarava tiko na matanitu ca ko ya, kaʼu na vakarusa tani talega mai na dela i vuravura, ia kaʼu na sega ga ni vakarusa sara na mataqali i Jekope, sa kaya ko Jiova. 9Ni sai au, raica, kaʼu na vakarota, ia kaʼu na dui tauvuloni ira tani na mataqali nei Isireli ki na veimatanitu kecega, me vaka ni sa tauvuloni na sila e nai vulo, ena sega ga ni lutu e dua na vuana ki na qele. 10Ena mate e nai seleiwau ko ira kece na noqu tamata erai valavala ca, era kaya, Ena sega ni vauca se liutaki keda na ca o qori.
11E NA siga ko ya au na vakatura tale na vale i Tevita, a ya sa bale sobu, au na; viria tale na tikina sa cila; ia na kena ka sa rusa au na vakaduria, ia kaʼu na tara tale me vaka e na gauna eliu: 12me ra taukena na vo ni Itomi, kei na veimatanitu kecega, sa vakatokai kina na yacaqu, sa kaya ko Jiova, o koya sa cakava na ka o qo. 13Sa kaya ko Jiova, Raica, ena yaco na gauna, o koya sa daucuki were ena vauci koya sa tamusuka na vuana, o koya talega sa si karaka na vua-ni-vaini ena vauci koya sa kaburaka na sila; ia na veiulu-ni-vanua ena vakatauca mai na waini vou, na veiulu-ni-koro kece talega ena vakawaicalataki. 14Ia kaʼu na kauti ira tale mai na noqu tamata na Isireli era vakabobulataki, a ra na tara na Veikoro lala, ka vakatawa; a ra na tea na veivaini, ka gunuva na kena waini; era na cakava na were talega, ka kania na vuana. 15Ia kaʼu na tei ira ki na nodra vanua, a ra na tawa cavuti tani tale mai na nodra vanua kaʼu sa solia vei ira, sa kaya ko Jiova na nomudou Kalou.
Currently Selected:
Ai Vola I Amosi Na Parofita 9: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
