Ai Vola I Neumi Na Parofita 3
3
Sa rusa vakaca sara ko Ninive.
1ENA ca na koro dautauvi dra! sa oti sara ko koya e na veivakaisini, e nai valavala vakausausa; sa sega ni lako tani ko ira e tokitaki; 2a domo ni kuita, kei na domo ni yava ni vale-vodoki e kaka-ratarata, kei na ose e butubutu, kei na vale-vodoki e ladelade tu; 3na tamata e vodo tiko o na ose, kei nai seleiwau e caucaudre, kei na moto e veitibiyaki, kei na kena lewe vuqa ni vuetaki; kei nai soqosoqo ni moku; ia sa tawa wiliki rawa na mate; era tarabe tu e na yagodra.
4E na vuku ni kena levu ni nona dauyatagane na dauyatagane matavinaka, na marama daucaka-mana lasu, ka dauvolitaka na veimatanitu e na nona dauyatagane, kei na veimataqali e na nona caka-mana lasu. 5Raica, sai au na nomu meca, sa kaya ko Jiova ni lewe vuqa; ia kaʼu na cega na nomui sulu ki matamu, ka vakaraitaka na nomu luvawale ki na veivanua, kei na nomu veivakamaduataki ki na veimatanitu. 6Ia kaʼu na viritaka vei iko na ka vakasisila, ka cakavi iko mo vakasisilataki, ka vakasesevotuni iko. 7Ia ena yaco, o ira kece era raici iko era na drotaki iko, ka kaya, Sa rusa ko Ninive: o cei me na tagicaki iko? meʼu qarai ira maivei e so me vakacegui iko?
8Sa vinaka li ko iko ka ca ko No-amoni, ka koto e na maliwa ni veiuciwai, a wai ga ka volita, a nonai keli na waitui, ka tu yawa ki wai na nona bai? 9Sai Kusi kei Ijipita ka nona kaukauwa, a ra tawa wiliki rawa; sai Futi kei na kai Luti era nomui to. 10Ia ka sa vakabobulataki ga ko koya, sa lako vakabobula tani: a luvena lalai talega sa ra viritaki e na mua ni sala ni koro kecega: ia na nona tamata rogo sa ra veidigiyaki ira, kei ira kece na nona tamata turaga sa ra vesuki e na sinucodo.
11O iko talega ko na mateni, o na vunitaki iko; o iko talega ko na qara nai drodro mai na meca. 12A nomu koro kaukauwa kecega ena vaka na veilolo sa vuai taumada: ke sa kurei, ke na lutu ga ki gusuna sa kania. 13Raica, o ira na nomu tamata sa ra alewa ga e na nomu vanua, vei ira na nomu meca ena dolavi sara kina na matamata-ni-koro ni nomu vanua; a buka ena kania na nomu bai.
14A memu wai ni sa buku na druadrua ni koro, mo laʼki takiva mai; vakaukauwataka na nomu bai: lako ki na tete, ka butuka na qele dregadregata, gumatua-taka na lovo ni vatu-buli. 15Ia maikea; ena kati iko na buka; ena muduki iko tani nai seleiwau, ena kani iko sara me vaka na vodre dramidrami: dou lewe vuqa mai me vaka na vodre dramidrami, dou lewe vuqa mai me vaka na vodre. 16O sa vakavuqataki ira na nomu dauveivoli me ra lewe vuqa cake e na kalokalo ni lomalagi: a vodre dramidrami ka kabua-cara mai, sa ra kaboasese tale. 17A nomu turaga era sa vaka na vodre e dauqeleni, kei ira na nomu turaga ni valu era sa vaka na vodre lelevu, e tiko e na bai bula e na siga liliwa: sa cadra mai na siga sa qai dro, a sa sega ni kilai na yasana sa tiko kina. 18Sa ra moce na nomui vakatawa, tui Asiria: sa ra koto sobu na nomu tamata qaqa: sa ra dui vakasevi na nomu tamata ki na veiulu-ni-vanua, a sa sega e vakasoqona tale. 19Sa sega ni malumu rawa na nomu ramusu; sa tawa ka lailai na nomu vue: o ira kece era rogoca na kemui rogorogo era na cobo e na vuku ni kemu: ni sa vei cei li ka tawa yaco tiko kina na nomu ca?
Currently Selected:
Ai Vola I Neumi Na Parofita 3: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
