Ai Vola I Neumi Na Parofita 2
2
Ai valu ni Kalou e rerevaki ka daugumatua vei Ninive.
1SA lako cake mai ko koya na dauveiva-kasevi ki matamu: vakatawa na koro, yadrava na sala, vauca matua na tolomu, vakaukauwataki iko mo kaukauwa sara. 2Ni sa vakasuka mai ko Jiova na nodrai ukuuku na Jekope, me vaka na nodrai ukuuku na Isireli: ni ra a samaki ira sara ko ira na dausamaki vaini, ia na taba ni nodra vaini era sa vakacacataka. 3Ai sasabai ni nona tamata qaqa sa vakadamu-damutaki, o ira na tamatai valu era sa vakaisulu e nai sulu kulakula: sa vakaiyaragi e nai sele-takelo buka na vale-vodoki e na siga sa vakarau kina ko koya, ia na moto paini ena kabei vakaidina. 4Maitaudaku, sa lako vakaivalu tu na vale-vodoki, sa veiciciyaki e na salatu: sa raici vakacina, sa vaka na liva na kedra cici.
5Sa nanumi ira mai ko koya na nona qaqa: era sa toqi tu e na nodra lako: sa ra kusarawa yani ki na bai ni koro, a sa vakarautaki mai na suva. 6Nai sogo ni uciwai sa basuki mai, ia na vale levu sa luvu laivi yani, ia ka tu vakaukauwa ga. 7Sa vakabobulataki ko Ninive, sa kauti cake yani, ia na kenai tikovaki sa ra liutaki koya ka tagi lako me vaka na ruve, ka tavia na lomaseredra. 8Ia ko Ninive ka vaka na drano wai mai na gauna eliu sara; a ra dro ga: Dou tu! Dou tu! ka sega e rai kimuri.
9Dou tokitaka na siliva, tokitaka na koula: ni sa sega ni oti rawa nai yau e bini tu, sa levu sara nai yaya domoni kecega. 10Sa lala, sa lala didi, sa lala didi sara: ia na yalodra sa waicala, a sa dui veiyaviti na durudra, sa yaluma kece sara talega na tolodra, ia na matadra kecega sa ceacea mai.
11Sa evei li na nodrai tikotiko na laioni, kei na nodrai kanakana na luve ni laioni, na yasana ka tiko lako kina na laioni, na laioni alewa, na luve ni laioni, ka sega o dua e vakarerea? 12Na laioni, ka daudresulaka na kedra na luvena, ka cova na kedra na nona laioni alewa, ka vakasinaita na nodra qara e na ka sa dresulaka, kei na nodrai kotokoto e na ka e cova.
13Raica, sai au na nomu meca, sa kaya ko Jiova ni lewe vuqa, ia kaʼu na vakama na nona vale-vodoki me kubou; ia na nomu luve ni laioni, ena kani ira nai seleiwau: au na muduka tani talega mai vanua na ka ko sa dresulaka, ena sega talega ni rogoci tale na domodra na nomui talaki.
Currently Selected:
Ai Vola I Neumi Na Parofita 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
