Ai Vola I Epakuki Na Parofita 1
1
A WASE I. —Sa tagicaka, ko Epakuki na nodrai valavala ca na kai Jutia, 1-4. Sa vakaraitaki vua na nodra cudruvi vei ira na kai Kalitea, 5-11. Sa rarawa na lomana e na vuku ni sa ka levu na nodra cudruvi, 12-17.
1AI colacola sa raica ko Epakuki na parofita.
2A cava na kena dede, Jiova, meʼu sa tagi, ko sa sega ga ni rogoca? a cava na kena dede meʼu sa qoloutaka vei iko nai valavala kaukauwa, ko sa sega ga ni ia na veivakabulai? 3A cava ko sa vakatakila kina vei au na ka e cala, na ka rarawa talega ko sa vakaraitaka mai? ia na veikove kei na veivakacacani sa tu ga e mataqu, a sa ia tiko na veileti, io, na veivala sa tubu mai. 40 koya o qo sa malumalumu kina na vunau, a sa sega sara ni yaco rawa yani na lewa dodonu: ia na tamata ca sa lawakicataki koya sa yalododonu; a sa yaco yani kina na lewa vakatani.
5Dou raica vei ira na veimatanitu, ka vakananuma, ka kidacala vakalevu sara: niʼu na kitaka e dua na cakacaka e na nomudou gauna, dou na sega ni vakadinata, kevaka ena tukuni vei kemudou. 6Ia, raica, kaʼu na vakauqeti ira cake na kai Kalitea, na matanitu yaloca ka yaloriri ko ya, era lako voli tiko e na veivanua lelevu e vuravura, me ra kovea nai tikotiko sa sega ni nodra. 7Era matanitu vakadomobula ka rerevaki; sa tubu maivei ira ga na nodra lewa kei na nodra ka vakaturaga. 8Sa totolo na nodra ose ka bera na leparite; ka lomakatakata vakalevu cake e na wolifa vakayakavi: sa kabuacara na nodrai valu e vodo e na ose, io, na nodrai valu e vodo e na ose era lako vakayawa mai; era sa vuka me vaka na ikeli sa kusakusa me kana. 9Me ra ia kece na veivakacacani sa ra lako ga mai kina; sa taudonu mai na matadra me vaka na cagi mai cake, a ra sa kumuna na bobula me vaka na nuku. 10A ra sa vakalialiai ira na tui, ia na turaga sa nodra ka ni vei vakasewasewani: a koro kaukauwa kecega sa ra dredrevaka; io, sa ra viri qele, ka kabata. 11Sa yalolevu kina ko koya, a sa lako voli mai, ka vosa cala, ka kaya, O qo li na nona kaukauwa mai vua na nona Kalou?
12Sa sega li ni ko mailiu sara, o iko Jiova, noqu Kalou, na noqu Kalou Yalosavasava? keimami na sega ga ni mate; i Jiova, ko sa lesi ira me ia na veicudruvi; ia ko iko, Uluvatu, ko sa tauyavutaki ira me ia na veivunauci. 13Sa savasava na matamu me dredreta kina ni vakaraica na ca, ia na vakasarava na ka e cala sa ka ga ko tawa rawata: sa vakaevei li na kawana ko sa mai vakasaravi ira kina na dauvakacaca, ka sa tiko lo ni sai koya e tamata ca sa tilomi koya sa yalododonu vei rau? 14ka sa cakavi ira na tamata me ra vaka na ika ni waitui, ka vaka na ka e qasi, sa sega e dua na nodra turaga? 15Sa ka kece sara ga sa ra yavia mai kicake e na nodra siwa, ka kumuna ki na nodra lawa, io, sa ra vakasoqona e na nodra lawa ni yavi: o koya o qo era marau kina ka rereki. 160 koya o qo era soro kina ki na nodra lawa, ka vakacaudreva nai madrali boi vinaka ki na nodra lawa ni yavi; ni sa kawa ni ka o qo sa uro kina na nodrai votavota, ka vinaka na kedra kakana. 17Sa ka o qo li era dausova kina na lewe ni nodra lawa, ka sa vakamatei ira tikoga na lewe ni veivanua, ka tawa lomana?
Currently Selected:
Ai Vola I Epakuki Na Parofita 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
