Ai Vola I Neumi Na Parofita 1
1
A WASE I. —Sa kaukauwa vakaturaga sara na Kalou me vakabulai ira na nona tamata, ka cudruvi ira na nona meca.
1AI colacola kei Ninive. Ai vola ni raivotu i Neumi na kai Elikosi.
2Sa Kalou vuvu, a sa ia na veisaumi ko Jiova; sa ia na veisaumi ko Jiova, a sai taukei ni cudru; ena ia na veisaumi ko Jiova vei ira sa cati koya, io, sa maroroya ko koya na kedra na nona meca. 3Sa daubera ni cudru ko Jiova, ka daulevu na nona kaukauwa, ia ena sega sara ni vakadonui ira na tamata ca: sa dua na sala i Jiova e na covulaca kei na cava, ia na o na kuvu-ni-soso ni yavana. 4Sa vunauca na Wasawasa, ka vakamamacataka, ia na uciwai kecega sa vakadiva: sa malai ko Pasani, kei Karimeli, ia na se ni kau mai Lipanoni sa malai. 5A veiulu-ni-vanua sa sautaninini e na vukuna, a veiulu-ni-koro talega sa waicala, sa tavuki talega na vanua e matana, io ko vuravura, kei ira kecega era tiko kina. 6E na mata ni nona cudru, o cei me tiko rawa? ia ko cei me tiko rawa ni sa waqawaqa na nona cudru? a nona cudru sa sova yani me vaka na buka waqa, ia na Uluvatu sa basuka sobu ko koya.
7Sa yalovinaka ko Jiova, sai vakaruru kaukauwa e na siga ni rarawa: a sa kilai ira era vakararavi vua. 8Ia e na dobui luvu ena vakaotia sara yani na kenai tikotiko, ia na nona meca ena vakasavi ira na butobuto. 9A vere cava dou sa bukia kei Jiova? a kenai vakataotioti ena vakayacora sara ko kova, ena sega ni tubu vakarua na ka rarawa. 10Ia ke ra coko veidre me vaka na soni, ka mateni sara e na waini, ke ra na vakayavuni ga me vaka na vu-ni-sila e mamaca sara. 11Sa lako maivei iko ko koya sa bukia na vere kei Jiova, e dua na daubose ca. 12Sa vosa vakaoqo ko Jiova; Ke ra lomadei, ka lewe vuqa sara, ke ra na tamusuki sobu sara ga, ia ena lako tani yani ko koya.
Keʼu a vakararawataki iko, keʼu na sega ni vakararawataki iko tale. 13Niʼu na qai musuka tani vei iko na nonai vua, ka cavuka na kemui vesu.
14A sa ia na kemu vosa ko Jiova, me kakua sara ni kaburaki tale na yacamu: mai na vale ni nomu kalou kaʼu na muduka tani na matakau ceuceu kei na matakau e vakawaicalataki: au na cakava me nomui bulubulu; ni ko sa beci.
15Raica e na ulu-ni-vanua na yava i koya sa kauta mai nai rogorogo vinaka, sa rogotaka mai na sautu! Mo cakava, Juta, na nomu solevu tabu, vakayacora na nomu vosavavakini: ni na sega tale ni lako voli yani vei iko na tamata ca; sa muduki laivi sara ko koya.
Currently Selected:
Ai Vola I Neumi Na Parofita 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
