Ai Vola I Maika Na Parofita 7
7
O Maika, ni sa tagicaka na vanua, sa vakararavi vua na Kalou, 1-10. Sa vakacegui e na vosa ni yalayala e so, 11-17. Sa vakacaucautaka na loloma levu ni Kalou, 18-20.
1ULE koi au! niʼu sa vaka na tamata ni sa kumuni oti na vuata e na vula i katakata, ka vaka na tamata ni sa tomi-tomiki oti na vua-ni-vaini: sa sega nai yawa vaini meʼu kania: se na lolo taumada, a ya sa gadreva tiko na yaloqu. 2Sa yali sara na tamata yalololoma mai na vanua: ia na tamata yalododonu sa sega ga vei ira na tamata: o ira kece era lawavaka ga na dra; era dui vakasava na wekana ki na lawa. 3Me ra ligamatuataka rawa kina na nodra caka ca me caka vakavinaka sara, sa taroga ko koya sa turaga, kei koya talega na dauveilewai, na nodraui voli; ia ko koya sa turaga levu cake sa cavuta sara na nona gadreva ca: a ra sa bukia vata vakakina. 4O koya sa uasivi cake vei ira e na vinaka sa vaka ga na soni: o koya sa yalododonu sara vei ira sa bai wa vakavotona: a kedra siga na nomui vakatawa, io, na nomu cudruvi, sa toro mai; ena yaco ga o qo na nodra vakidroataki. 5Kakua ni dou vakadinata e dua nai tokani, kakua ni vakararavi vua na wekamu dina: mai vua sa koto e na lomaseremu mo qarauna ga nai sogo ni gusumu. 6Ni sa qai beci tamana mai na goneatagane, sa veimecaki mai koi rau na veitinani alewa, kei rau na veivugoni alewa; era sa nona meca na tamata na nona lewe ni vale.
7Ia koi au, kaʼu na namaki Jiova; kaʼu na waraki koya na Kalou, na noqui Vakabula: ena rogoci au na noqu Kalou.
8Kakua ni ko reki, noqu meca, niʼu sa Cei: niʼu sa bale, kaʼu na tu cake tale; niʼu sa tiko e na butobuto, sai Jiova ena noqu rarama. 9Na cudru i Jiova kaʼu na vosota ga, e na vuku niʼu sai valavala ca vua, me na ia mada ko koya na veilewai e na vukuqu, ka cudruvaki au: ena kauti au yani ki na rarama, au na raica na nona cakacaka dodonu. 10Ena qai kunea ko koya sa noqu meca, a madua talega ena ubi koya ka kaya vei au, Sa evei ko Jiova na nomu Kalou? a mataqu ena raici koya: ena qai yaco ko koya me ka e buturaki sobu me vaka na lolobo e nai saqata.
11A siga ena viri tale kina na nomu bai, a siga ko ya sa yawa sara na kenai loku. 12E na siga ko ya ena lako mai vei iko ko ira mai Asiria ka yacovi Ijipita, mai Ijipita talega ka yacova na uciwai, mai na wasawasa e dua talega ki na wasawasa e dua, mai na ulu-ni-vanua e dua talega ki na ulu-ni-vanua e dua. 13Ia na vanua, ena lala sara ga e na vukudra era tiko kina, e na vuku ni vua ni nodrai valavala.
14Mo vakatawai ira na nomu tamata e na nomui titoko, io, na qele ni sipi e sa nomui votavota, a sa tiko duaduaga mai na veikau, e na loma i Karimeli: me ra kana voli tale mai Pasaki kei Kiliati, me vaka e na gauna eliu.
15Me vaka e na gauna dou a lako mai kina mai na vanua ko Ijipita, kaʼu na vakatakila vei ira na ka e veivakidacalataki. 16Ena raica ko ira na veimatanitu, ka maduataka kece na nodra kaukauwa: era na tabonaka na gusudra e na ligadra, a daligadra ena didivara mai. 17Era na dramica na kuvu-ni-soso me vaka na gata, me vaka na ka sa qasi e na vanua era na yavala mai na nodra qara vuni: sai Jiova na noda Kalou era na rerevaka, io, era na rere e na vukumudou.
18O cei na Kalou me tautauvata kei iko, sa bokoca na nodra caka cala, ka yalobalavutaka na nodra talaidredre na kena vo ni nonai votavota? sa sega ni taura tiko me tawa mudu na nona cudru, e na vuku ni sa vinakata ko koya me yalololoma. 19Ena mai lomani keda tale ko koya; ena butuka sobu na noda caka cala; io, ko na biuta ki na wasa titobu na nodrai valavala ca kecega. 20O na vakayacora na ka dina vei Jekope, kei na yalololoma vei Eparaama, na ka ko a vosavavakini kina vei ira na neimami qase mai na gauna eliu.
Currently Selected:
Ai Vola I Maika Na Parofita 7: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
