Ai Vola I Maika Na Parofita 6
6
A Kalou, ni sa lewai ira na kai Jutia me cala, sa tukuna vei ira na cakacaka sa vinaka vua, 1-8. Sa vunauci ira e na vuku ni nodrai valavala tawa dodonu, 9-12, kei na nodra dauqarava na kalou lasu, 13-16.
1DOU rogoca mada na ka sa kaya ko Jiova, Tu cake, mo ia na veilewai e matadra na veiulu-ni-vanua, me ra rogoca talega na domomu na veiulu-ni-koro.
2Dou rogoca, na veiulu-ni-vanua, na ka e veiletitaka ko Jiova, oi kemudou talega, na yavu kaukauwa kei vuravura: ni sa dua na ka e veiletitaka ko Jiova kei ira na nona tamata, io, kei ira na Isireli ena ia na veilewai ko koya. 3Na noqu tamata, a cava kaʼu sa cakava vei iko? ia e na cava kaʼu sa vakaocataki iko kina? tukuni au mai. 4Niʼu a kauti iko cake mai na vanua ko Ijipita, mai na vale ni bobula talega kaʼu a vakabulai iko; ka talai iratou ko Mosese, kei Eroni, kei Miriami, me liutaki iko. 5Na noqu tamata, dou vakananuma mada na ka sa kerea ko Palaki na tui Moapi, kei na ka sa kaya vua ko Palami na luve i Piori; kei na ka ko ya mai Sitimi ka yaco sara ki Kilikali; mo dou kila kina nai valavala dodonu i Jiova. 6Ai soro cava meʼu torovi Jiova kaya? ka cuva kaya e na mata i koya na Kalou cecere? meʼu torovi koya e nai soro kama, e na karavau e so e yabaki dua? 7Ena vinakata beka ko Jiova na sipi tagane e vakaudolu, na uciwai waiwai e vakaoba? meʼu cabora beka na noqu ulumatua mei soro ni noqu talaidredre, na vua ni yagoqu mei bulubulu ni valavala ca ni yaloqu? 8Sa vakatakila oti vei iko, tamata, na ka e vinaka: ia na cava sa taroga ko Jiova maivei iko, mo caka dodonu ga, ka vinakata me yalololoma, mo yalomalumalumu talega mo drau lako vata kaya na nomu Kalou?
9A domo i Jiova sa kaci ki na koro, ia ko koya sa vuku ena vakananuma na yacamu: dou rogoca na kuita, kei koya sa lesia. 10Sa tu li e nona vale na tamata ca, nai yau ni ca, kei nai vakarau lailai ca e vakasisila? 11Meʼu sa tamata dodonu li ni sa tu vei au nai vakarau ni bibi e tawa dodonu, kei na taga vatu e lasu? 12O ira na kena tamata vutuniyau era sa vutu ni valavala kaukauwa, o ira talega na lewena era sa vosa lasu, io, na yamedra talega e gusudra sa dauveivakaisini.
13Io koi au, kaʼu na yaviti iko vakararawa sara, ka vakalalataki iko e na vuku ni nomui valavala ca. 14O iko, ko na kana; ka sega ni mamau; ni na bibi na lomamu; o na toki, ka sega ni drotaka rawa; ia na ka ko sa drotaka kaʼu na solia ki nai seleiwau. 15O iko, ko na kaburaka na sila, ka sega ni tamusuka; o iko, ko na butuka na olive, ka sega ni lumuti iko e na kena waiwai; na vua ni vaini talega ni waini vou, ia ko na sega ni gunuva na kena waini. 16Ni sa dauvakabauti na ka sa lesia ko Omiri, kei na cakacaka kecega ni mataqali i Eapi, dou sa muria talega na nodrai vakavuvuli; meʼu cakavi iko kina mo lala sara, kei ira na lewemu me ka e vakasiusiu taki: ia na kedrai rogorogo ca na noqu tamata dou na colata.
Currently Selected:
Ai Vola I Maika Na Parofita 6: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
