Ai Vola I Maika Na Parofita 5
5
A nona sucu na Mesaia, Itei na nona matanitu, 1-15.
1DOU soqoni vakamataivalu mada, o iko na gonealewa vakamataivalu! sa buku mai na druadrua ni nodra koro! e nai titoko era sa yavita kina na baluna na dauveilewai nei Isireli. 2Ia ko iko, Peci-leema Efiraca, ko sa lailai me dua vei ira na mataqali lewe udolu e Juta, ia maivei iko ena lako mai vei au ko koya ena lewai ira na Isireli; o koya sa mailiu na nona lako mai, mai na gauna eliu sara.
3Ia ena soli ira yani ko koya, me yaco mada na gauna me vakasucu ko koya ena vakasucu: ia na kena vo ni tacina ena qai lesu mai vei irana luve i Isireli. 4Ia ena tu ko koya, ka vakani ira e na kaukauwa i Jiova, o na yaca vakaturaga i Jiova na nona Kalou; a ra na tikotiko ga; ni na qai levu ko koya ka yaco ki nai yalayala kei vuravura.
5O koya talega o qo ena vu ni sautu; ia na kai Asiria ena mai kabata na noda vanua, ka butuka na noda veivale vakaturaga, eda na qai vakatura cake me veivala kaya e lewe vitu nai vakatawa, io, e lewe walu na tamata turaga. 6A ra na vakacacana na vanua ko Asiria e nai seleiwau, io, na vanua i Nimiroti e na kenai yalayala: ena qai vakabulai keda ko koya mai vua na kai Asiria, ni sa mai kabata na noda vanua, ni sa mai butuka talega na nodai yalayala.
7Ia na kedra vo na Jekope era na tiko e na maliwa ni veimataqali e vuqa me vaka na tegu maivei Jiova, me vaka na uca e na co, a ya sa tawa vakarorogo vua na tamata, se waraki ira na luve ni tamata. 8Ia na kedra vo na Jekope era na tiko e na maliwa ni veimatanitu, e na kedra maliwa na veimataqali e vuqa, me vaka na laioni e na kedra maliwa na manumanu ni veikau, me vaka na luve ni laioni e na loma ni qele ni sipi: a ya ke sa lako yani kina, ke sa na butuka sobu, ka dresulaka, ka sega e dua me na vakabula. 9Ena cecere na ligamu vei ira na nomu meca, ia ko ira kece era cati iko era na muduki laivi.
10Ta ena yaco e na siga ko ya, sa kaya ko Jiova, au na muduka tani na nomu ose mai tikimu; ka vakarusa na nomu vale-vodoki: 11au na muduka laivi na veikoro ni nomu vanua, ka talaraka sobu kecega na nomu Veikoro kaukauwa: 12au na muduka tani talega na veinocati mai na ligamu: ia na daucaka-mana vakailasu ena sega ga vei iko: 13au na muduka tani talega vei iko na nomu matakau wale, kei na nomu matakau e vakaduri tu; ia ko na sega ni sorova tale na cakacaka ni ligamu: 14au na cavuta tani talega na nomu matakau i Aseteroci mai tikimu: ka vakarusa na nomu Veikoro. 15Ia kaʼu na ia e na cudru kei na lesa na veisaumi ki na veimatanitu, sa sega ni vakarorogo.
Currently Selected:
Ai Vola I Maika Na Parofita 5: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
