Ai Vola I Maika Na Parofita 4
4
A matanitu vinaka ni Mesaia, 1-13.
1IA ena yaco e na gauna maimuri, ena vakataudeitaki na ulu-ni-vanua ni vale i Jiova me sivia na veiulu-ni-vanua, ena vueti me cecere ka lolovira na veiulu-ni-koro; a ra na drodro kina na veimataqali. 2A ra na lako na veimatanitu e vuqa, ka kaya, Me da mai laʼki cabe cake ki na ulu-ni-vanua i Jiova, ia ki na vale ni Kalou i Jekope; ena vakavulica vei keda ko koya na nonai valavala, ia eda na muria na nona sala: ni na lako yani mai Saioni na vunau, kei na vosa i Jiova mai Jerusalemi. 3Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; a ra na tukitukia na nodrai seleiwau mei sivi ni siviyara, kei na nodra moto mei sele ni samaki: ena sega ni lavei seleiwau na matanitu ki na matanitu, a ra na sega ni vulica tale nai valu. 4A ra na dui tiko ga na tamata yadua e na ruku ni dui nona vaini, kei na ruku ni dui nona lolo; ka sega o dua me na vakarerei koya: ni sa gusu i Jiova ni lewe vuqa e cavuta. 5Io, ko ira kece na veimataqali era na dui muria na yaca ni dui nodra kalou, ia koi keda, eda na muria ga na yaca i Jiova na noda Kalou ka tawa mudu ka tawa mudu.
6E na siga ko ya, sa kaya ko Jiova, au na dui vakasoqoni ira sa lokiloki, ka dui soqoni ira sa vakasevi, kei ira kaʼu a dui vakararawataka; 7ia kaʼu na dui cakavi ira sa lokiloki me kena vo, kei ira sa dui vakasevi vakayawa me matanitu kaukauwa: ia ena lewai ira tikoga ko Jiova e na ulu-ni-vanua ko Saioni, mai na gauna o qo, io, ka tawa mudu rawa. 8Ia ko iko, na nodra vale-cecere na qele ni sipi, na nona koro kaukauwa na gonealewa ni Saioni, ia vei iko ena yaco kina, io, ena yaco tale na lewa eliu, na matanitu ni gonealewa ni Jerusalemi.
9A CAVA tale ko sa tagi vakadomoilevu kina? sa sega na tui e tikimu? o ira na nomu daubose era sa yali beka? ka ni sa tauvi iko na rarawa me vaka na alewa sa taratara? 10Mo yaluma mai, mo vakasucu, o iko na gonealewa ni Saioni, me vaka na alewa sa taratara: ni ko na qai lako tani o qo e na koro, ia ko na laʼki tiko mai bili, io, ko na yaco sara ki Papiloni; ia maikeri ko na kaliraki maikina; maikeri talega ena vakabulai iko ko Jiova mai na ligadra na nomu meca.
11Ia o qo sa ra soqoni mai vei iko na matanitu e vuqa, era kaya, Me vakacacani ko koya; me raici Saioni mada na matada. 12Ia ko ira, sa ra tawa kila na ka sa nanuma kina ko Jiova, se ra vakasamataka na nona lewa: ni na kumuni ira mai ko koya me vaka nai vau sila ki na rara ni sila. 13Mo tu cake ka butuka, o iko na gonealewa ni Saioni: ia na nomu kaukamea kaʼu na cakava me aironi, kei na nomui qaso kaʼu na cakava me parasa: ia ko na butuqaqia na veimataqali e vuqa: ia kaʼu na vakacabora vei Jiova na kedrai toki ni valu, kei na nodrai yau vua na Turaga kei vuravura kecega.
Currently Selected:
Ai Vola I Maika Na Parofita 4: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
