Maciu 19
19
Sa vakabulai ira sa tauvi-mate ko Jisu, a sa vakavulici ira na tamata me ra kakua ni biuta vakailoa na watidra, 1-12. Sa tabaki ira na gone lalai, 13-15. Sa tarogi Jisu e na ka me bula kina na cauravou vutuniyau; a sa vakavuvuli kina ko Jisu, 16-30.
1A SA yaco, ni sa vakaotia ko Jisu na vosa o qo, sa qai lako tani e Kalili, ka yaco ki na yasayasa vaka-Jutia e na tai kadua ni Joritani; 2a ra sa lewe vuqa sara era sa muri koya; a sa vakabulai ira maikea ko koya. 3A sa lako mai vei koya ko ira na Farisi, ka vakatovolea, ka kaya vua, Sa tara vua na tamata me biuta na watina e na vuku ni ka kecega, se segai? 4A sa vosa ko koya, ka kaya vei ira, Dou a sega beka ni wilika, ni ko koya sa buli rau e nai vakatekivu sa bulia ga ua tagane kei na yalewa, 5a sa kaya, E na vuku ni ka o qo me biuti tamana kina kei na tinana na tamata, ka kabita na watina: a rau na lewe dua? 6O koya o qo erau sa sega kina ni lewe rua tiko, erau sa lewe dua ga: ia na ka sa vauca vata ko na Kalou, me kakua ni tawasea rua na tamata. 7Era sa kaya vua, A cava sa vakarota kina ko Mosese me solia vua nai vola ni veibiu, ka qai biuta tani? 8Sa kaya vei ira ko koya, E na vuku ni nomudou lomakaukauwa sa vosoti kemudou kina ko Mosese mo dou biuta tani na watimudou: ia ka sega ni vakaoqo mai nai vakatekivu. 9Ia kaʼu sa kaya vei kemudou, O koya ena biuta tani na watina, ke sa sega ni dautagane, ka laʼki vakawati kei na dua tani, sa dauyalewa; o koya talega erau laʼki veiwatini kaya sa biu, sa dauyalewa.
10Sa kaya vua ko iratou na nona tisaipeli, Ke sa vakaoqo na lewa vua na tamata kei na watina, ke sa vinaka me kakua ni ia na vakawati 11A sa kaya ko koya vei iratou, Sa sega ni rawata na tamata kecega na ka o qo, o ira ga sa soli vei ira. 12Ni sa so sa kua ni vakawati, era sa sucu vakakina mai na kete i tinadra: ka so sa kua ni vakawati, ni sa selevi ira ko ira na tamata: ka so sa kua ni vakawati, ni ra sa qisi ira ga me vakakina e na vuku ni matanitu vakalomalagi. O koya e rawata me vakabauta, me vakabauta.
13Sa qai kau mai vua e so na gone lalai, me tabaki ira ko koya e na ligana, ka masulaka: a sa vunauci ira ko iratou na tisaipeli. 14A sa kaya ko Jisu, Laivi ira na gone lalai, ka kakua ni tarovi ira, ni ra sa lako mai vei au; ni sa vakataki ira na lewe ni matanitu vakalomalagi. 15A sa tabaki ira e na ligana ko koya, a sa qai lako tani maikea.
16Ka raica, sa lako mai e dua, ka kaya vua, Vakavuvuli vinaka, a cava na ka vinaka meʼu kitaka, meʼu rawata kina na bula tawa mudu? 17A sa kaya vua ko koya, O sa vakatokai au meʼu vinaka e na vuku ni cava? sa sega e dua tani e vinaka, na Kalou duaduaga; ia kevaka ko sa via curu ki na bula, mo qarava na vunau. 18Sa kaya vua ko koya, A vunau cava? A sa kaya ko Jisu, Mo kakua ni laba, Mo kakua ni ia na veibutakoci, Mo kakua ni butako, Mo kakua ni veibeitaki vakailasu, 19Vakarokoroko vei rau na tamamu kei na tinamu: ka, Mo lomana na kai nomu me vakataki iko. 20Sa kaya na cauravou vei koya, A ka kecega o qori kaʼu a vakabauta ga ni kaʼu a sa gone ka yacova na siga o qo; a cava tale sa vo vei au? 21Sa kaya vua ko Jisu, Kevaka ko sa vinakata mo sa vinaka sara, mo lako, mo volitaka na nomui yau, ka solia vei ira sa dravudravua, o na qai vakaiyau mai lomalagi: ia mo lako mai, mo muri au. 22Ia ni sa rogoca na vosa o qo na cauravou, sa lako tani a sa rara wa na lomana: ni sa levu na nonai yau.
23Sa qai kaya ko Jisu vei iratou na nona tisaipeli, Au sa kaya vakaidina vei kemudou, Ena dredre vua na tamata vutuniyau me curu ki na matanitu vakalomalagi: 24ia kaʼu sa kaya tale vei kemudou, sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou. 25Ia ni ratou sa rogoca na nona tisaipeli, eratou sa kidacala sara, ka kaya, O cei ena qai vakabulai rawa? 26A sa vakaraica ko Jisu, ka kaya vei iratou, O qori e dredre sara vei ira na tamata; a sa rawarawa vua na Kalou na ka kecega.
27Sa qai vosa ko Petero, ka kaya vua, Raica, keitou sa biuta na ka kece, ka muri iko: a cava ena qai neitou? 28A sa kaya vei iratou ko Jisu, Au sa kaya vakaidina vei kemudou, Oi kemudou sa muri au, ni na yaco na veivakadodonutaki, ni na tiko na Luve ni tamata e nai tikotiko vakaturaga ni nonai ukuuku, dou na qai tiko talega e nai tikotiko vakaturaga e tinikarua, me lewai ira ua mataqali nei Isireli e tinikarua. 29Ia ko koya yadua sa biuta na vale, se na veitacini, se na ganena, se na tamana, se na tinana, se na watina, se na luvena, se na vanua, e na vuku ni yacaqu, ena yadrau ena rawata; ena taukena talega na bula tawa mudu. 30Ia ka ra lewe vuqa sa liu era na muri; kei ira talega sa muri era na liu.
Currently Selected:
Maciu 19: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
