Popular Bible Verses from Maciu 19

Share

A sa vakaraica ko Jisu, ka kaya vei iratou, O qori e dredre sara vei ira na tamata; a sa rawarawa vua na Kalou na ka kecega.

O koya o qo erau sa sega kina ni lewe rua tiko, erau sa lewe dua ga: ia na ka sa vauca vata ko na Kalou, me kakua ni tawasea rua na tamata.

A sa vosa ko koya, ka kaya vei ira, Dou a sega beka ni wilika, ni ko koya sa buli rau e nai vakatekivu sa bulia ga ua tagane kei na yalewa, a sa kaya, E na vuku ni ka o qo me biuti tamana kina kei na tinana na tamata, ka kabita na watina: a rau na lewe dua?

A sa kaya ko Jisu, Laivi ira na gone lalai, ka kakua ni tarovi ira, ni ra sa lako mai vei au; ni sa vakataki ira na lewe ni matanitu vakalomalagi.

Ia ka ra lewe vuqa sa liu era na muri; kei ira talega sa muri era na liu.

Ia ko koya yadua sa biuta na vale, se na veitacini, se na ganena, se na tamana, se na tinana, se na watina, se na luvena, se na vanua, e na vuku ni yacaqu, ena yadrau ena rawata; ena taukena talega na bula tawa mudu.

Sa kaya vua ko Jisu, Kevaka ko sa vinakata mo sa vinaka sara, mo lako, mo volitaka na nomui yau, ka solia vei ira sa dravudravua, o na qai vakaiyau mai lomalagi: ia mo lako mai, mo muri au.

A sa kaya vua ko koya, O sa vakatokai au meʼu vinaka e na vuku ni cava? sa sega e dua tani e vinaka, na Kalou duaduaga; ia kevaka ko sa via curu ki na bula, mo qarava na vunau.

ia kaʼu sa kaya tale vei kemudou, sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou.

Ia kaʼu sa kaya vei kemudou, O koya ena biuta tani na watina, ke sa sega ni dautagane, ka laʼki vakawati kei na dua tani, sa dauyalewa; o koya talega erau laʼki veiwatini kaya sa biu, sa dauyalewa.

Sa qai kaya ko Jisu vei iratou na nona tisaipeli, Au sa kaya vakaidina vei kemudou, Ena dredre vua na tamata vutuniyau me curu ki na matanitu vakalomalagi