Ai Vola I Jona Na Parofita 2
2
A masumasu i Jona, 1-9. Sa vakabulai koya ko Jiova, 10.
1A SA masu ko Jona vei Jiova na nona Kalou, mai na kete ni ika; 2a sa kaya,
Au a tagi vei Jiova e na vuku ni noqu rarawa, a sa rogoci au ko koya; mai na loma i etesi kaʼu a qoqolou, ko a rogoca na domoqu. 3Ni ko a biuti au ki na wasa titobu, ki na loma ni wasa levu; ia na ua sa vakavolivoliti au: a nomu biau sese kei na nomu biau tubu kecega sa sevi au. 4Ia koi au kaʼu a kaya, Au sa vakasevi tani mai na matamu; ia kaʼu na goleva tale na nomu vale tabu. 5Sa mai luvuci au na wai, sa yacova sara na yaloqu: sa voliti au na wai titobu, sa viviraka na uluqu na lumi. 6Au a lako sobu ki na vu ni veiulu-ni-vanua; ia ko vuravura, na kenai sogo sa vakalali au ka tawa mudu: ia ko sa vueta tani ga na noqu bula mai na rusa, Jiova, na noqu Kalou.
7Ni sa luvu e lomaqu na yaloqu, au a qai nanumi Jiova: a sa curu kivakaki vei iko na noqu masu, ki na nomu vale tabu. 8O ira sa dauqarava na ka lasu wale, era sa biuta na vu ni nodra vinaka. 9Ia koi au, e na domo ni vakavinavinaka kaʼu na ia nai madrali vei iko; au na cakava na ka kaʼu a vosavavakini kina. Sa maivei Jiova na veivakabulai.
10A sa vosa ko Jiova ki na ika, a sa luaraki Jona ki na vanua mamaca.
Currently Selected:
Ai Vola I Jona Na Parofita 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
