Ai Vola I Jona Na Parofita 3
3
O Jona, ni sa talai tale, sa laʼki vunauci ira na kai Ninive, 1-4. Ni ra veivutuni na kai Ninive, sa veivutuni talega na Kalou, 5-10.
1A SA yaco tale vakarua vei Jona na vosa i Jiova, ka vaka, 2Mo tu cake, mo lako ki Ninive, na koro levu ko ya, ka vunautaka kina na vunau kaʼu a kaya vei iko. 3A sa tu cake ko Jona, ka lako yani ki Ninive, me vaka na vosa i Jiova. Ia ko Ninive na koro levu sara eda na bogi tolu ni da vakavolitaka. 4A sa vakatekivu ko Jona me curu ki na koro ka tautauvata kei na lako e na dua na siga, a sa vunau, ka kaya, Me sa bogi vasagavulu, a qai vukici ko Ninive.
5A ra sa vakabauta na Kalou na kai Ninive, ka tukuna me ra lolo, a ra sa vakaisulu e nai sulu taqarotu ko ira na turaga kei ira talega na kaisi. 6Ni sa rogo na vosa o qori vei tui Ninive, a sa tu cake ko koya mai na nonai tikotiko vakaturaga, ka luvata tani na nonai sulu vakatui, a sa vakaisulu e nai sulu taqarotu, ka laʼki tiko e na dravusa. 7A sa kacivaki ka tukuni sara e Ninive, ni sa vunautaka ko na tui kei ira na kena turaga, ka vaka, Me kakua ni dua na tamata se na manumanu, na karavau se na sipi, me kania e dua na ka: me ra kakua ni kana, se gunu wai: 8ia me ra vakaisulu e nai sulu taqarotu na tamata kei na manumanu, ka tagi matua vua na Kalou: me ra dui saumaki yadua talega mai dui nona sala ca, kei nai valavala kaukauwa sa dui tu e ligadra. 9O cei e kila de na saumaki beka na Kalou ka veivutuni, ka lesu mai na nona cudru waqawaqa, me da kakua ni rusa? 10A sa raica na Kalou na nodra cakacaka, ni ra sa saumaki mai na nodra sala ca; a sa veivutuni na Kalou e na vuku ni ca sa kaya me cakava vei ira; a sa sega ni cakava.
Currently Selected:
Ai Vola I Jona Na Parofita 3: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
