Ai Vola I Isaia, na Parofita 31
31
Sa tukuna na nodra lialia ni ra vakararavi ki Ijipita, ka biuti koya na Kalou, 1-5. Sa rotaka na veivutuni, a sa vakatakila na kena ca ko Asiria, 6-9.
1ENA ca ko ira era sa lako sobu ki Ijipita me qara nai vukevuke; ka vakabauta na ose, ka vakararavi ki na vale-vodoki, ni sa vuqa; kei nai valu e dauvodo e na ose, ni ra sa kaukauwa sara; a ra sa sega ni golevi Koya na Yalosavasava nei Isireli, a ra sa sega ni qaravi Jiova! 2Ia ka sa vuku ko Koya talega, ena vakayacora na ca ko koya, ena sega ni biuta na nona vosa; ia ena tu cake vakaivalu ko koya ki na mataqali valavala ca, kei na nodrai vukevuke na daucaka cala. 3Ia na kai Ijipita era sa tamata ga, ka sega ni Kalou; a nodra ose talega sa vakayago, ka sega ni vakayalo. Ni sa qai dodoka yani na ligana ko Jiova, ena qai toqi nai vukevuke, ka bale ko koya sa vukei, a ra na rusa vata kecega. 4Ni sa vosa vakaoqo vei au ko Jiova, me vaka na laioni, io na laioni cauravou sa kudruva na kena e taura, ni sa kailataki mai nai vakatawa e vuqa me mai vala kaya, sa sega ni rerevaka na domodra, se vakamalumalumu e na vuku ni nodra kaila: ena lako sobu vakakina ko Jiova ni lewe vuqa me mai valu e na vuku ni ulu-ni-vanua ko Saioni, kei na kena ulu-ni-koro. 5Me vaka era ovica na luvedra na manumanu, ena vakarurugi Jerusalemi vakakina ko Jiova ni lewe vuqa; ni sa vakaruruga, ena vakabula; ni sa lako voli mai, ena maroroya.
6Dou lesu mai vei koya era sa vuki tani vakalevu kina na luve i Isireli. 7Ni ra na dui biuta na tamata yadua e na siga ko ya na nona matakau siliva, kei na nona matakau koula, na ka ca ka caka e na ligamudou me nomudou. 8Ena qai bale ko Asiria ka sega e na nonai seleiwau e dua na qaqa; ena kani koya nai seleiwau ka sega ni nona e dua na tamata; ena dro tani ga ko koya mai na mata ni seleiwau, ia ko ira na nona cauravou era na waicala. 9A nona koro kaukauwa talega ena biuta kimuri ko koya ni sa rere; a kena turaga era na rerevaka na drotini, sa kaya ko Jiova, o koya sa waqa tu mai Saioni na nona buka, kei na nona lovo mai Jerusalemi.
Currently Selected:
Ai Vola I Isaia, na Parofita 31: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
