Ai Vola I Isaia, na Parofita 32
32
A ka vinaka ni matanitu ni Mesaia, 1-8. Sa vakatakilai na ka ca me liu, me qai yaco emuri na sautu, 9-20.
1RAICA, ena buli e dua na tui me ia na lewa dodonu, o ira talega na turaga era na lewa vakadodonu. 2Ia ena dua na tamata ena vaka nai vunivuni mai na cagi, kei nai vakaruru mai na cava; ena vaka na uciwai e na vanua dravuisiga, ka vaka na yaloyalo ni vatu levu e na vanua dauveiva-kaocataki. 3A matadra era rai rawa ena sega ni buawa, kei na daligadra era rogo rawa ena vakarorogo: 4a lomadra talega na yaloriri ena kila mai na vuku, ka vosa rawarawa ka macala na yamedra na daukaka. 5O koya sa lialia ena sega ni vakatokai tiko me yalovakaturaga, se tukuni me lomasoli ko koya sa kocokoco. 6Ia ko koya sa lialia ena vosataka ga na ka sesewa, ka caka ca tiko e lomana, me ia na veivakaisini, ka vosa cala vei Jiova, me vakalalataka na yalo i koya sa viakana, ka vakayalia na wai mei koya e sa viagunu. 7Ia na nonai yaya ua daukocokoco na ka ca; sa vakananuma na vere ca me vereti ira kina era sa rarawa. 8Ia ko koya sa lomasoli sa vakananuma na cakacaka loloma, ia e na cakacaka loloma ena dei ga kina ko koya.
9Oi kemudou na alewa sa dautiko wale, dou tu cake, rogoca na domoqu; oi kemudou na gonealewa tawa rere, dou vakatu daliga ki na noqu vosa. 10Ena bogi vuqa sa a dou na sautaninini kina, oi kemudou na alewa tawa rere: ni na yali na vua ni vaini, ena tawa yaco na vula i matua. 11Dou taqaya, na alewa dautiko wale; dou kidroa, oi kemudou na tawa rere: dou luvata tani sara na nomudoui sulu, ka vauca nai sulu ca ki na tolomudou, 12ka yavita na lomaseremudou e na vuku ni sa ca mai na veiwere vinaka, kei na vaini bulabula. 13E na nodra vanua na noqu tamata ena tubu ga na kau vakavotona kei na soni; io, e na dela ni veivale daumamarau kecega ni koro daureki: 14ni sa biu laivi na vale vakaturaga; ka lala mai na koro ka tawa; na koro vatu kei na veivale-cecere sa qai yaco me qara wale tu e tawa oti, me yasana era rekitaka na asa kila, ka kedra vanua na sipi; 15me sa sovaraki mada vei keda na Yalo mai cake, ka yaco na veikau me were bulabula, ka okati na were bulabula me veikau. 16Ena qai tiko mai na veikau na lewa dodonu, ka tikora na were bulabula nai valavala dodonu. 17Ia mai na cakacaka dodonu ena tubu na sautu, ena vuana talega na cakacaka dodonu na vakacegu kei na tiko dei me tawa mudu. 18Ia ko ira na noqu tamata era na tiko ga e nai tikotiko sautu, kei na veivale dei, kei nai vakavakacegu vinaka. 19Ia ena tau mai na uca-cevata ki na veikau, me bale ga; na koro talega ena lolovira koto e na yasana lolovira. 20Sa kalougata koi kemudou sa ia na kabukaburaka e na bati ni wai kecega, e kemudou sa vakatala yani kina na yavadrau na karavau kei na asa.
Currently Selected:
Ai Vola I Isaia, na Parofita 32: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
