Ai Vola I Isaia, na Parofita 30
30
Era cala na Isireli ni ra ta vakararavi ki Ijipita, 1-7. Ni ra sega ni muria na Kalou, sa vakavulici ira e na ka rarawa, 8-26. A sa qai cudruvi Asiria na nodra meca, 27-33.
1SA kaya ko Jiova, Ule ko ira na gone talaidredre, era sa vakarorogo, ka sega vei au; a ra sa vakaruru, ka sega ki na Yaloqu, me ra kuria kina na ca e na ca: 2era sa ia na lako sobu ki Ijipita, a ra sa sega ni taroga na gusuqu; me ra vakaukauwataki ira e na kaukauwa i Fero, ka vakaruru ki na yaloyalo i Ijipita! 3Ia na kaukauwa i Fero ena yaco me ka dou na madua kina, kei na vakararavi ki na yaloyalo i Ijipita me ka dou na rogo ca kina. 4Ni ra sa yaco na nodra turaga ki Soani, ka ra sa tadu na nodra mata ki Anesi. 5O ira kece, era sa maduataka na lewe ni vanua sa tawa yaga vei ira, sa sega ni ra vukei, se vinaka kina, sa rawa ga na madua kei na veivakalialiai talega. 6Na kedra bitaki na manumanu ni ceva, e na vanua ni oca kei na rarawa, sa lako maikina na laioni alewa kei na laioni kata, na gata loa kei na gata katakata sa vuka; era sa kauta lako na nodrai yau e na dakudra na luve ni asa, kei na nodra kamunaga e na dakudra na kameli, me nodra na lewe ni vanua ena tawa yaga vei ira! 7Ia na kai Ijipita, sa sega na betena se yagana na nodra ia na veivuke: o koya o qo kaʼu sa vakatokai koya kina, Ko Rakapi na Daugu ca.
8Mo laʼki vola mada e matadra na ka o qo e na rara ni volavola, ka vola e nai vola, me tu ka yacova na gauna kimuri, me tawa mudu rawa: 9ka ni ra sa tamata dautalaidredre o qo, na gone daulasu, na gone sa bese ni rogoca na vunau i Jiova. 10Era sa kaya vei ira na rairai, Dou kakua ni raica tiko; vei ira talega na parofita, Dou kakua ni raica na ka dodonu e na vuku i keimami, vunau vakamalumalumu vei keimami, raica ga na ka lasu: 11dou lako tani e na sala, lesu tani mai na salatu, me kua so ni tauci e na mata i keimami ko Koya na Yalosavasava i Isireli. 12O koya sa vosa vakaoqo kina ko Koya na Yalosavasava nei Isireli; E na vuku ni dou sa biuta na vosa o qo, ka vakararavi ki na veivakasaurarataki kei na ka veve, ka ravita: 13ia nai valavala ca o qo ena sa tautauvata kina vei kemudou kei na tiki ni bai vatu e cecere sa ca, ka kolai bale, ka vakalakala tu, ena sa vakidacala ka vakasauri sara na kena kabasu mai. 14Ia na kena kabasu ena vaka na bilo ni dautuli bilo sa voroti, e sa vorolaki vakaca sara; a sa sega kina ni kune e na kenai caca e dua na tikina me lavita kina na buka mai na matadravu, se me taki wai kina mai nai keli. 15Ni sa vosa vakaoqo na Turaga ko Jiova, o Koya na Yalosavasava nei Isireli; Ni dou sa saumaki ka cegu, dou na vakabulai kina; ni dou sa vakacegu ka vakararavi, dou na kaukauwa kina: ia dou a bese ga. 16Dou a kaya, E segai; e keimami na dro e na ose; ia dou na dro ga: E keimami na vodo lako e na ose totolo; ia era na totolo era na vakasavi kemudou. 17Era lewe udolu era na dro ni sa bole mai e lewe dua; ia ni sa bole mai e lima, dou na dro sara ga, ka malua, dou na laivi tu me vaka nai vana e na dela ni ulu-ni-vanua, ka vaka na rogele e na dela ni koro. 180 koya o qo ena wawa kina ko Jiova me yalolomani kemudou, io, e na ka o qo ena tu cake kina ko koya me lomani kemudou; ni sa Kalou dauveilewai ko Jiova: era kalougata kecega era sa waraki koya.
19Ni ra na tiko e Jerusalemi na kai Saioni; o na sega ni tagi tale: ni sa rogo na domo ni nomu tagi, ena lomani iko sara ko koya; ni sa qai rogoca ko koya, ena vosa sara mai vei iko. 20Ia na Turaga ena solia vei iko na madrai ni rarawa, kei na wai ni veivakasaurarataki, io ko ira na nomui vakavuvuli era na tawa vunitaki ira tale, o na raici ira tikoga na nomui vakavuvuli. 21Ia na daligamu ena rogoca na vosa mai dakumu, sa kaya, O qo na sala, dou lako ga kina, ka ni dou sa lesu tani ki matau sei mawi. 22Dou na qai vakacacana nai botani siliva ni nomu matakau siliva, kei nai ukuuku koula ni nomu matakau koula; o na biuta laivi me vaka na ka velavela; o na kaya kina, Mo lako tani 23Ena qai solia ko koya na uca ni nomu sore ni kau, e ko sa kaburaka ki na qele; ia na sila madrai, na vua ni qele, ena vakauro ka vakalewe; a nomu manumanu ena kana e na siga ko ya e na veico levu. 24A karavau talega kei na luve ni asa era daucakacaka e na were, era na kania na ka e tuituina, na ka e sa savataki e nai sivi kei nai iri. 25Ia e na ulu-ni-vanua cecere kecega, kei na ulu-ni-koro rewaicake kecega, ena qai tu kina na soniwai kei na wai drodro, e na siga ni veimokuti levu, ni sa qai bale na veivale-cecere. 26Ia na rarama ni vula ena qai tautauvata kei na rarama ni siga, kei na rarama ni siga ena qai vakavitu, me tautauvata kei na rarama ni siga e vitu, e na gauna sa vauca kina ko Jiova na nona tamata sa mavoa, ka Vakabula na we ni kedra kuita.
27Raica, na yaca i Jiova sa lako vakayawa mai, sa waqa tu na nona cudru, a sa levu na kubou: a tebenigusuna sa cudru vakalevu, a sa vaka na buka katakata na yamena. 28Ia na nona cegu, me vaka na uciwai sa vuabale, ena yala ki domodra; ena tauvuloni na veimatanitu e na vulo lasu; ena dua talega nai tarovi e veivakacalai e na gusudra na tamata. 29Ena qai dua na nomudou meke, me vaka e na bogi sa ia kina na solevu tabu; kei na reki vakayalo me vaka na nei koya sa uvu bitu lako ni sa lako tu mai ki na ulu-ni-vanua i Jiova, kivei koya na Uluvatu nei Isireli. 30Ia ena vakarogotaka ko Jiova na domona vakaturaga, a ligana sa tau mai ena vakarairaitaka ko koya, e na cudru waqawaqa, kei na yameyame ni buka katakata, e na veiseyaki, kei na cava, kei na uca-cevata. 31Ni sa qai rogo na domo i Jiova ena qai yaviti sobu ko Asiria, o koya sa ia na veiyaviti e nai titoko. 32Ia na tikina kece ena tau kina nai titoko sa lesia, a ya ena vakatauca vua ko Jiova, ena ia vata kei na ta lali kei na qiri api: ia e nai valu rerevaki ena vala kaya ko koya. 33Ni sa vakarautaki mailiu ko Tofeci: io, sa vakarauni o qori me nona na tui; sa cakava me titobu ka rabailevu; a kenai binibini buka waqa kei na buka droka sa levu; a cegu i Jiova me vaka na sulifure sa dave tu, ena tutuvaka.
Currently Selected:
Ai Vola I Isaia, na Parofita 30: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
