Ai Vola I Isaia, na Parofita 15
15
Ai colacola bibi me tauci ki Moapi.
1O QO nai colacola kei Moapi,
Ni sa kabai e na bogi ko Ari-moapi, a sa vakarusai; ni sa kabai e na bogi ko Kiri-moapi, a sa vakarusai. 2Era sa cabe cake ki na bure levu, ia ko Tiponi talega ki na veiyasana cecere, me tagi: e dela i Nipo kei Metipa sa tagi ka yaso ko Moapi: sa tasi na uludra kecega, sa tasi laivi na kumidra kecega. 3E na kedraui saqata ni koro kecega era sa vauci ira e nai sulu taqarotu: e dela ni nodra veivale, e na nodra rara talega, sa tagi kecega, sa lako sobu mai ka tagi tu. 4Ia ena qoqolou ko Esiponi, kei Elale: ena rogo yani ki Yeasi na domodrau: o koya o qo sa qoqolou kina nai valu i Moapi; sa rarawa na yalona e lomana. 5Sa tagi na lomaqu e na vuku i Moapi; a domodra era sa dro sa rogo ki Soeri, sa vaka na luve ni karavau e tolu na kena yabaki: ni sa tagi lako ko koya sa cabeta nai cabecabe ki Luici; io e na sala ki Oroneimi era tabalaka na tagi ni veivakarusai. 6Ni sa di mai na wai ni Nimirimi; a sa malai na co, a sa yali na buroro, sa sega na ka e bula. 7Ia na vo ni ka era rawata, kei na nodrai yaya, era sa kauta yani ki tai kadua, ni soniwai ni veiwilou. 8Ni sa volivolita nai yalayala ni Moapi na kena tagi; sa rogo ki Ekileimi na kena tagi yaso, kei na kena qoqolou ki Pieri-elimi. 9Ni sa sinai e na dra na wai ni Timona: niʼu na vakayacora ki Timona na kenai kuri, kei na laioni vua na Moapi sa dro bula, vua talega sa vo tiko e vanua.
Currently Selected:
Ai Vola I Isaia, na Parofita 15: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
