Ai Vola I Isaia, na Parofita 14
14
O koya na Kalou ena vakabulai ira tale na Isireli, 1-4. Era meketaki Papiloni ni sa ca mai, 4-23. A lewa ni Kalou e na vuku i Asiria, 24-27, e na vuku i Filisitia talega, 28-32.
1NI na lomani ira na Jekope ko Jiova, ka digitaki ira tale na Isireli, ka vakatikori ira e na nodra vanua: ia ko ira na kai tani era na laʼki to vata kei ira, ka kabiti ira na mataqali i Jekope. 20 ira na lewe ni vanua era na tauri ira, ka kauti ira ki na nodra yasana: ia na mataqali i Isireli ena taukeni ira e na vanua i Jiova me nodra tagane kei na nodra vada: a ra na bobulataki ira era a bobula kina; ka lewai ira era a vakasaurarataki kina. 3Ia ena yaco e na siga sa vakacegui iko kina ko Jiova mai na nomu rarawa, kei na nomu rere, kei na oca dredre ka lavaki vei iko, 4o na qai ia na meketaki koya vakaoqo na tui Papiloni, ka kaya,
A nona cegu tiko na dauveivakasaurarataki! na kena cegu tu na koro koula! 5Sa musuka ko Jiova na nodra matanakilagi na tamata ca, na nodrai titoko na mataveilewai! 6O koya ka dauyaviti ira na veimataqali e na yaloca ni sa ia tiko na veiyaviyaviti, o koya ka daulewa na veimatanitu e na cudru, ka sega e dua e tarova. 7Sa qai cegu, ka vinaka mai ko vuravura kecega: era sa lagata mai na meke. 8Io, na veipaini sa rekireki e na vukumu, kei na veisitari ni Lipanoni, ka sa kaya, Ni ko sa qai koto no, sa sega e cabe mai na dautakau kivei keimami. 9O bulubulu e ra sa yavala e na vukumu me mani tavaki iko ni ko sa lako yani kina: sa vakayadrati ira na yalo ni qaqa e na vukumu, o ira kecega ka turaga kei vuravura; sa vakaduri ira kecega na tui ni veimatanitu mai na nodrai tikotiko. 10Era na vosa kecega ka kaya vei iko, O iko talega ko sa malumalumu mai me vakataki keimami, mo sa tautauvata kei keimami! 11Sa biuti sobu ki nai bulubulu na nomui ukuuku, kei na domo ni nomu api: sa tevuraki e rukumu na baca, a sa nomui tutuvi na baca. 12Ule na nomu lutu mai lomalagi, o iko na Kalokalo i vola siga! na nomu tavakabalei sobu ki na qele, o iko ka dauvakasaurara-taka na veimatanitu! 13Io ko a kaya e lomamu, Kaʼu na cabe ki lomalagi, kaʼu na vueta na noqui tikotiko me cecere ka lolovira na kalokalo ni Kalou: kaʼu na tiko talega mai dela ni ulu-ni-vanua ni so tabu, e na tikina ki na tokalau: 14kaʼu na cabe ki na yasana kicake me no ki ra na o; kaʼu na tautauvata kaya sa Cecere sara. 15Ia ko na biuti sobu ga ki etesi, ki na tikina ki loma ni bulubulu. 16O ira era raici iko era na dikevi iko, era na vakananumi iko, ka kaya, O qo li na tamata ka cakavi vuravura me sautaninini, ka vakayavalata na veimatanitu; 17ka cakavi vuravura me lekutu tu, ka dau vakarusa na kena Veikoro, ka sega ni vakatalai ira na nona bobula ki nodratou? 18O ira kece na tui ni veimatanitu, o ira kecekecega, era dui koto vakaiukuuku yadua e na nona vale: 19ia ko iko ko sa biuti tani mai na nomui bulubulu me vaka na taba ni kau sa vakasisilataki, me vaka na nodrai sulu na moku, era sa laubasikataki e nai seleiwau, ka lako sobu ki na veivatu ni bulubulu; me vaka na yago ni mate sa buturaki: 20ko na sega ni buluti vata kei ira, e na vuku ni ko sa vakacacana na nomu vanua, ka vakamatei ira na nomu tamata: ena sega sara ni rogo na nodra kawa nai valavala ca. 21Dou vakarautaka na kedra veivakamatei na luvena e na vuku ni valavala ca ni nodra qase; me ra kakua ni tu cake, me taukena na vanua, ka vaka-osoosotaka na dela i vuravura e na koro.
22Niʼu na tu cake vei ira, sa kaya ko Jiova ni lewe vuqa, ka muduka tani mai Papiloni na yacadra, kei na kedra vo, kei na luvedra, kei na nodra kawa, sa kaya ko Jiova. 23Kaʼu na cakava na vanua me kedra na belo, me vanua vakadrano-drano: ia kaʼu na taviraka laivi e nai taviraki e dauveivakarusai, sa kaya ko Jiova ni lewe vuqa.
24Sa vosavavakini ko Jiova ni lewe vuqa, ka kaya, Me vaka dina na ka kaʼu sa nakita, ena yaco vakakina; ka vaka na ka kaʼu sa lesia, ena tu ga vakakina: 25meʼu musuki koya na kai Asiria e na noqu vanua, ka buturaki koya e na noqu ulu-ni-vanua: ia na nonai vua ena qai lako tani vei ira, kei na nonai kaukau ena kauti tani mai na domodra. 26O qo na ka sa lesi e na vuku i vuravura kecega: ia o qo na liga sa dodoki yani ki na veimatanitu kecega. 27Ni sa lesia ga ko Jiova ni lewe vuqa, ia ko cei me vakadaroya? sa ligana ga sa dodoki yani, ia ko cei me vakasuka tani?
28E NA yabaki ka mate kina ko Aasi na tui, sa qai raici nai colacola o qo.
29Mo kakua ni rereki, Filisitia taucoko, e na vuku ni sa ramusu nai titoko i koya ka yaviti iko: ni na tubu mai na vu ni gata na gata katakata, ia na vuana ena gata katakata sa vuka. 30Ena qai vakani ko ira sa dravudravua sara, a ra na koto sobu vakavinaka na kaisi: ia kaʼu na vakamatea na wakamu e na dausiga, ia na kemu vo ena vakarusai. 31Mo tagi, na matamata-ni-koro! mo qoqolou, na koro! o iko, Filisitia taucoko, ko sa waicala sara: ni na lako mai na tokalau na kubou, ena sega e laivi tu yani e na kena gauna. 32Ia na vosa cava me qai tauci vei ira na mata ni veivanua? Ni sa tauyavutaki Saioni ko Jiova, a ra na dro kina na nona tamata era vakararawataki.
Currently Selected:
Ai Vola I Isaia, na Parofita 14: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
