Ai Vola I Amosi Na Parofita 8
8
Sa tukuna na raivotu ni sova vuata dreu, kei na kenai balebale, 1-3. Sa vunauci ira e na vuku ni nodra yalokocokoco, 4-10. E dua na dausiga ca sa voleka ni yacovi ira, a ya na dausiga ni vosa ni Kalou, 11-14.
1SA ka vakaoqo e vakaraitaka vei au na Turaga ko Jiova: ka, raica, sa dua na sova vuata dreu. 2A sa kaya mai, A cava ko sa raica, Amosi? Au a kaya, E dua na sova vuata dreu. Sa qai kaya ko Jiova vei au,
Sa yaco mai nai vakataotioti vei ira na noqu tamata na Isireli; au na sega sara ni vosoti ira tale. 3Ia ena yaco me qoqolou na meke e na vale vakaturaga e na siga ko ya, sa kaya na Turaga ko Jiova: sa levu mai na moku e na veiyasana kecega! era sa dui biuta kituba! tiko lo ga!
4Dou rogoca na ka o qo, oi kemudou sa tilomi koya sa dravudravua, ka mo dou vakaoti ira sara era yalomalumalumu e na vanua, 5ka sa kaya, Ena oti ninaica na vula vou, me da volitaka na sila? kei na siga tabu, me da dolava na lololo ni witi? ka vakalailaitaka na efa, ka vakalevutaka? na sekeli, ka vakavevetaka nai vakarau ni bibi daulasu? 6me da voli ira na kaisi e na siliva, kei na dravudravua e nai vava o rua; ia na qa ni witi, me da volitaka ga. 7Sa vosavavakini ko Jiova, a sa cavuti koya nai ukuuku i Jekope, Au na sega sara ga ni guilecava e dua na nodra cakacaka ka tawa mudu. 8Me na sega li ni tavuki na vanua e na vuku ni ka o qo, ka dui tagi kece era tiko kina? io, me na tawa tubu cake sara li me vaka na uciwai, ka veitubuyaki, ka malumu sobu tale, me vaka na uciwai mai Ijipita? 9Ia ena yaco e na siga ko ya, sa kaya na Turaga ko Jiova, au na vakadromuca na mata-ni-siga ni sa tu donu mai, ka vakabutobutotaka na vanua ni sa siga levu tu: 10au na vukica talega na nomudou solevu mo tagi, kei na nomudou meke kecega me lele; ia kaʼu na kauta cake kece ki na tolomudou nai sulu taqarotu, ki na ulumudou kece talega na drika; ia kaʼu na cakava na siga o qori me tautauvata kei na kena somate na gone sa dua bauga, kei na kenai otioti me tautauvata kei na siga gaga sara.
11Raica, ena yaco na gauna, sa kaya na Turaga ko Jiova, kaʼu na vakayacora kina na dausiga ki na vanua, ka sega ni dausiga ni viakana, se na viagunu wai, na via rogoca ga na vosa i Jiova: 12a ra na veiseyaki mai na wasa e dua ki na wasa e dua, ia mai na yasayasa vakatokalau ki na yasana ki cake, era na veiciciyaki me ra vakasaqara na vosa i Jiova, a ra na tawa kunea. 13E na siga ko ya era na matabuto mai na gonealewa vinaka kei ira na cauravou, e na viagunu; 14o ira era sa vosavavakini, ka cavuta na ka cala ni Samaria, ka kaya, Sa bula na nomu kalou, Tani; ia, Sa bula nai valavala vaka-Pieri-sepa; era na bale talega, ka tawa tu cake tale.
Currently Selected:
Ai Vola I Amosi Na Parofita 8: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
