Ai Vola I Amosi Na Parofita 6
6
Sa vunauci ruarua na kai Jerusalemi kei na kai Samaria, 1, 2. Sa vakatakila na nodra tiko vakacegu wale kei na nodrai valavala vakausausa, 3-6. Sa qai tukuna tale na nodra cudruvi, kei na nodra tawa vuku rawa, 7-14.
1E CA vei ira sa tiko vakacegu wale mai Saioni, ka vakararavi e na ulu-ni-vanua ni Samaria, era kilai e na vu ni matanitu, a sa daulakovi ira ko ira na mataqali nei Isireli! 2Dou lako yani ki Kaline, me raica; ka mani lako maikina ki Emaci levu: dou qai lako sobu ki Kaca na nodra koro na kai Filisitia: sa vinaka cake li o qori e na matanitu o qo? se lelevu li na nodra vanua ka lailai na nomudou vanua?
3E ca vei ira sa biuta vakayawaʼni na siga ca, ka kauta voleka mai nai tikotiko ni valavala vakaukauwa; 4era koto e nai mocemoce tabua, ka dodo tu e na nodrai davodavo, era kania na lami e kau mai na qele ni sipi, kei na luve ni karavau mai na loma ni bai; 5era laga meke ki na domo ni api, me vakataki Tevita, era vakavakananuma me so na nodra ka domo vinaka; 6era gunu waini mai na bilo lelevu, ka lumuti ira e na vu ni lumu: a sa sega ni rarawa na lomadra e na vuku ni kedra ca na Josefa. 70 koya o qo era na qai nodrai liuliu kina na bobula era vakabobulataki, ena qai oti yani na nodra mamarau era daudodo tu.
8Sa vosavavakini na Turaga ko Jiova, a sa cavuti koya, sa kaya ko Jiova na Kalou ni lewe vuqa, Au sa vakasisilataka na nodrai ukuuku na Jekope, ia na nodra veivale vakaturaga kaʼu sa cata: ia kaʼu na solia yani na koro kei na ka kecega sa tu kina.
9Ia ena yaco, ke vo na tamata e lewe tini e na dua na vale, ke ra na mate ga. 10Ia na tamana lailai na mate, io, ko koya sa ia na kena veivakamai, ena laveti koya cake, me kauta tani na suina mai na vale; ena kaya talega vua e tiko mai loqi, Sa vo li e dua drau sa lewe rua kaya? ena kaya mai, E segai. Ena qai kaya ko koya, Mo tiko lo: ni sa tabu me daru cavuta na yaca i Jiova.
11Ia raica, sa vakarota ko Jiova, ena yavita talega ko koya na vale levu me basuki, kei na vale lailai me cicila.
12Me na cici rawa li na ose e na dela ni vatu? e dua li me na ia kina na cukicuki e nai siviyara e na karavau? ka ni dou sa vukica na lewa dodonu me wai gaga, kei na vua ni valavala dodonu me kau gaga: 13oi kemudou sa marautaka na ka e sega wale, ka kaya, Ni da sa kaukauwa eda sa rawata kina na lewa me noda, se segai? 14Ni sai au, raica, kaʼu na vakatura cake e dua na matanitu, me vala kei kemudou, na mataqali nei Isireli, sa kaya ko Jiova, na Kalou ni lewe vuqa; a ra na vakararawataki kemudou mai na yasayasa vaka-Emaci ka yaco ki na uciwai mai na veikau.
Currently Selected:
Ai Vola I Amosi Na Parofita 6: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
