Ai Vola I Amosi Na Parofita 2
2
A nodra ca kei na nodra cudruvi na Moapi, 1-3, kei na Juta, 4, 5, kei ira na Isireli, 6-8. Sa tukuni ira na Kalou me mataqali tawa loloma vua na nodrai Vakabula, 9-16.
1SA vosa vakaoqo ko Jiova; E na vuku ni sa vakatolu na talaidredre i Moapi, io, ni sa vakava, kaʼu na sega kina ni vakadaroya na kena; e na vuku ni sa vakama ko koya na sui i tui Itomi me lase: 2ia kaʼu na biuta na buka ki Moapi, ena katia talega na veivale vakaturaga mai Kirioci: ia ena mate e na ue ko Moapi, e na kaila, kei na domo ni davui: 3ia kaʼu na muduki koya tani na dauveilewai, mai tikina, kei ira kece na kena turaga kaʼu na vakamatei ira vata kaya, sa kaya ko Jiova.
4Sa vosa vakaoqo ko Jiova, E na vuku ni sa vakatolu na nodra talaidredre na Juta, io, ni sa vakava, kaʼu na sega kina ni vakadaroya na kedra; e na vuku ni ra sa beca na vunau i Jiova, ia na nonai lesilesi sa ra tawa vakabauta, a sa vakacalai ira na nodra ka lasu, a ya ka muria ko ira na nodra qase: 5ia kaʼu na biuta na buka vei ira na Juta, ena katia na veivale vakaturaga mai Jerusalemi.
6Sa vosa vakaoqo ko Jiova; E na vuku ni sa vakatolu na nodra talaidredre na Isireli, io, ni sa vakava, kaʼu na sega kina ni vakadaroya na kedra; e na vuku ni ra sa volitaka e na siliva na tamata yalododonu, kei na dravudravua e nai vava e rua; 7era sa tagica na kuvu-ni-qele e na uludra na dravudravua, ia na yalomalumalumu era sa vakasesei ira tani mai na sala: a veitamani talega erau sa dui curu vua na gonealewa e dua, me vakacacana kina na yacaqu tabu: 8e nai tutuvi talega sai vakarawarawa ni ka e saravi era sa laki dodo kina ka voleka ki nai cabocabo-ni-soro kecega, ia na medra waini era vaka-orei sa ra gunuva e na vale ni nodra kalou.
9Ia ka sai au ga, kaʼu a vakarusai koya na luve i Amori e matadra, ka vaka na balavu ni sitari na kena balavu, ka kaukauwa ko koya me vaka na oki; ia kaʼu a vakarusa na vuana ecake, kei na wakana era; 10oi au talega, kaʼu a kauti kemudou cake mai na vanua ko Ijipita, ka tuberi kemudou e na veikau ka vasagavulu na yabaki, mo dou taukena na nona vanua na luve i Amori: 11au a vakatubura talega e so na luvemudou me parofita, ka so na nomudou cauravou me Tabutabu. Sa vakaoqo li, se segai, oi kemudou na luve i Isireli? sa kaya ko Jiova. 12Ia dou a vagunuvi ira na Tabutabu e na waini: o ira na parofita talega dou a vakarota, ka kaya, Dou kakua ni parofisai.
13Raica, oi au kaʼu sa bikai e na ruku-mudou, me vaka sa bikai na tolili sa tawa sara e nai vau sila. 14O koya o qo ena yali kina nai drodro vua sa dautotolo, o koya talega sa kaukauwa ena sega ni gumatua e na nona kaukauwa, se ko koya sa qaqa, me na vakabulai koya rawa: 15a dautara dakai talega, ena tawa tu rawa ko koya; se ko koya sa yava mamada, me na vakabulai koya rawa: se ko koya sa vodo tu e na ose, me na vakabulai koya rawa: 16o koya talega sa yatelevu vei ira na qaqa ena dro luvawale e na siga ko ya, sa kaya ko Jiova.
Currently Selected:
Ai Vola I Amosi Na Parofita 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
