Ai Vola I Amosi Na Parofita 1
1
A WASE I. —Sa vakatakila ko Amosi na nodra ca kei na nodra cudruvi na kai Siria, 1-5, kei na kai Filisitia, 6-8, kei na kai Teiri, 9, 10, kei na kai Itomi, 11, 12, kei ira na luve i Amoni, 13-15.
1A VOSA i Amosi, e dua vei ira nai vakatawa ni sipi mai Tikoa, na ka sa raica me na tauci ira na Isireli, e na gauna i Usiya na tui Juta, kei na gauna i Yaropiami na luve i Yoasi na tui Isireli, e na vakaki rua ni sa bera ni tavuki na vanua.
2A SA kaya ko koya, O Jiova, ena kurukuru mai Saioni, ia mai Jerusalemi, ena tabalaka na domona; ena tagi kina na nodrai tikotiko nai vakatawa, ena malai mai na dela i Karimeli.
3Sa vosa vakaoqo ko Jiova; E na vuku ni sa vakatolu na talaidredre i Tamasiko, io, ni sa vakava, kaʼu na sega kina ni vakadaroya na kena; e navuku ni ra sa samuti Kiliati e nai samu-yara kaukamea: 4ia kaʼu na biuta na buka ki na vale i Esaeli, ena katia na veivale vakaturaga mai Peni-etati. 5Au na basuka talega na bai ni Tamasiko, ka muduki koya tani sa tiko mai na buca ko Eveni, kei koya sa taura na matanakilagi mai na mataqali i Iteni: a ra na lako vakabobula na kai Siria ki Kiri, sa kaya ko Jiova.
6Sa vosa vakaoqo ko Jiova; E na vuku ni sa vakatolu na talaidredre i Kesa, io, ni sa vakava, kaʼu na sega kina ni vakadaroya na kena; e na vuku ni ra sa kauti ira vakaoti na bobula, me soli ira yani ki Itomi: 7ia kaʼu na biuta na buka ki na bai ni Kesa, ena katia na kena veivale vakaturaga: 8au na muduki koya tani sa tiko mai Esitoti, kei koya sa taura na matanakilagi mai Esikiloni, au na qai vakalesuya na ligaqu ki Ekironi: a ra na rusa na kena vo ni kai Filisitia, sa kaya na Turaga ko Jiova.
9Sa vosa vakaoqo ko Jiova; E na vuku ni sa vakatolu na talaidredre i Teiri, io, ni sa vakava, kaʼu na sega kina ni vakadaroya na kena; e na vuku ni ra sa soli ira vakaoti na bobula ki Itomi, ka sa tawa nanuma na veiyalayalati vaka veitacini; 10ia kaʼu na biuta na buka ki na bai ni Teiri, ena katia na kena veivale vakaturaga.
11Sa vosa vakaoqo ko Jiova; E na vuku ni sa vakatolu na talaidredre i Itomi, io, ni sa vakava, kaʼu na sega kina ni vakadaroya na kena; e na vuku ni sa vakasavi koya na tacina e nai seleiwau, a sa bese ni yalololoma, a sa dauveikata tiko na nona cudru, ia na nona yaloca sa maroroya ga ka tawa mudu: 12ia kaʼu na biuta na buka ki Temani, ena katia na veivale vakaturaga mai Posira.
13Sa vosa vakaoqo ko Jiova; E na vuku ni sa vakatolu na nodra talaidredre na luve i Amoni, io, ni sa vakava, kaʼu na sega kina ni vakadaroya na kedra; e na vuku ni ra sa dresulaki ira na alewa ni Kiliati e bukete, me lalaga kina nai yalayala ni nodra vanua: 14ia kaʼu na vakacaudreva na buka e na bai ni Papa, ena katia talega na kena veivale vakaturaga, ka ia vata kei na kaila e na siga ni valu, kei na cava e na siga ni covulaca: 15ena vakabobulataki talega na nodra tui, o koya vata kei na kena turaga, sa kaya ko Jiova.
Currently Selected:
Ai Vola I Amosi Na Parofita 1: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
