A Cakacaka 14

Sa vakacacani ko Parinapa kei Paula mai Ikoniona, a rau sa lako kina ki Lisitira, a sa qai vakabula e dua sa lokiloki ko Paula, a ra sa koya kina na kai Lisitira erau sa kalou, 1-18. Sa vakacacani ko Paula; erau sa qai lako kei Parinapa ki na veikoro, ka vakavuvuli kina, 19-28.

1A SA yaco mai Ikoniona, ni rau sa lako vata ki na nodra vale ni lotu na Jiu, a rau sa vosa, ka sa vakabauta kina c lewe vuqa na Jiu kei ira sa matanitu tani talega. 2Ia ko ira na Jiu era vakatitiqa, sa vakauqeta na lomadra era sa matanitu tani, me ra lomaca vei ira na veiwekani. 3A rau a tiko vakadede kina ka vosa doudou e na vuku ni Turaga, o koya sa vakatakila ni sa dina na vosa ni nona loloma, ka solia me caka rawa e na ligadrau e so nai vakatakilakila, kei na veika e veivakidacalataki. 4A sa tawase rua ko ira na lewe vuqa e na koro; ka so sa totaki ira na Jiu, ka so sa totaki rau nai apositolo. 5Ia ni ra sa lako vakaivalu ko ira sa matanitu tani, kei ira talega na Jiu, kei ira na nodra turaga, me vakacacani rau ka viriki rau e na vatu, 6erau sa kila mada kina, ka dro tani ki Lisitira kei Teripi, erau sa koro vaka-Likeonia, ki na yasana talega sa vakavolivolita: 7maikeri talega erau sa vunautaka nai tukutuku-vinaka.

8A sa tiko mai Lisitira e dua na tamata, sa malumalumu na yavana, o koya sa lokiloki mai na kete i tinana, a sa sega ni lako e na dua na siga: 9o koya sa rogoci Paula ni sa vosa tiko; ia ni sa vakaraici koya matua ko koya, ka kunea ni sa tu vua na vakabauta me vakabulai kina, 10sa qai vosa e na domo levu, Tu vakadodonu cake e na yavamu. A sa rika ko koya, ka lako voli. 11Ia ni ra sa raica ko ira na tamata na ka sa kitaka ko Paula, era sa tabalaka cake na domodra, ka kaya e na vosa vaka-Likeonia, Oi rau na kalou erau sa lia tamata mai, a rau sa lako sobu mai vei keda. 12A ra sa vakatokai Parinapa, mei Jupiteri; kei Paula, mei Erimi, ni sa gugumatua c na vosa. 13Ko na bete talega nei Jupiteri, o koya sa tiko c na mata ni nodra koro, sa kauta mai ki na matamata-ni-koro e so na karavau kei nai ukuuku ni ulu, a sa vinakata me ra vakacaboi soro vata kei ira na lewe vuqa. 14Ia ni rau sa rogoca koi rau nai apositolo ko Parinapa kei Paula, erau sa dresulaka na nodraui sulu, ka cici sara vei irana tamata, ka qoqolou, 15ka kaya, Oi kemudou na turaga, a cava dou sa kitaka kina na veika o qo? eda sa tamata tovo vata talega kei kemudou, ia keirau sa vunau vei kemudou mo dou saumaki tani mai na veika tawa yaga o qo vei koya na Kalou bula, o koya ka buli lomalagi, kei vuravura, kei na waitui, kei na ka kecega sa tu maikina: 16o koya ka vosota na lewe ni veivanua kecega e na gauna eliu mo ra lako ga e na nodra sala. 17Ia ka sega ga ni laiva me sega na nonai vakatakilakila, ni sa caka vinaka tiko ko koya, a sa solia mai vei keda na uca mai lomalagi, kei na yabaki e levu kina na vuata, a sa vakasinaita na lomada c na kakana kei na marau. 18A sa vo e lailai mc rau dredre ni tarovi ira na lewe vuqa e na vosa o qo, mc ra kakua kina ni vakacaboi soro vei rau.

19A sa lako mai c so na Jiu mai Anitioki kei Ikoniona, a ra sa rawai ira na tamata, ia ni ra sa viriki Paula oti e na vatu, era sa yarataka ki nai bili ni koro, ni ra sa nanuma ni sa mate ko koya. 20Ia ni sa tu vakavolivolita ko ira sa lotu, sa tu cake ko koya, a sa lako ki na koro.

Ia e na sabogibogi erau sa lako kei Parinapa ki Teripi. 21Ia ni rau sa vunautaka oti nai tukutuku-vinaka e na koro ko ya, ka vakalotui ira kina e lewe vuqa, erau sa qai lesu ki Lisitira, kei Ikoniona, kei Anitioki, 22a rau sa vakataudeitaka na yalodra era sa lotu, ni rau sa vakarota vei ira me ra tu dei e na vakabauta, ka kaya ni sa kilikili me vuqa na ka rarawa eda sa curu kina ki na matanitu ni Kalou. 23Ia ni rau sa lesia oti e so na tamata me nodra qase nai vavakoso lewe ni soro kecega, ni rau sa masu talega ka lolo, erau sa vakalaivi ira vua na Turaga, o koya era a vakabauta. 24Ia ni rau sa sivi Pisitia, erau sa yaco ki Pamifilia. 25Ia ni rau sa vunautaka oti na vosa mai Perika, erau sa lako ki Ataleia: 26a rau sa soko tani maikeri ki Anitioki, erau a vatonaki kina ki na loloma ni Kalou e na vuku ni cakacaka erau sa qai vakaotia.

27Ia ni rau sa yaco kina, ka vakasoqoni ira vata nai vavakoso lewe ni soro, erau sa tukuna na ka kecega sa cakava ko na Kalou ni sa veivuke kei rau, kei na nona dolava na katuba ni vakabauta vei ira na veimatanitu kisau. 28A rau sa tiko vakadede kina vata kei ira sa lotu.

Currently Selected:

A Cakacaka 14: FIJ1864

Highlight

Copy