Esdras 3
3
La sliquesic yich'el ta muc' yan velta li Diose
1C'alal iloc' svucubal u snaclejic ta slumalic li boch'otic isutic tal ta Babiloniae, ja'o lic stsob sbaic scotolic te ta Jerusalén.#Neh 7.73—8.1. 2Li pale Jesúa xnich'on Josadac, xchi'uc li xchi'iltac ta paleale, xchi'uc li Zorobabel xnich'on Salatiel, xchi'uc yan xchi'iltaque, lic spasic li scajleb smoton Dios sventa te chchiq'uic matanal jech chac c'u cha'al chal li mantaletic laj yal comel Moisese, ja' li yajtunel Diose.#Ex 27.1. 3Li scajleb smoton Muc'ul Diose te lic xcha'pasic ti bu snacleb ono'oxe, yu'un ta xi'ic yu'un li yajvaltac banamil tee. Jech te lic xchic'beic smoton Dios ta jujun sob, xchi'uc ta jujun bat c'ac'al.#3.3 C'ac'al - Oy boch'o chalic jtotic.,#Ex 29.38-42; Nm 28.1-8. 4La spasic noxtoc li q'uin Yaxnaetic#Lv 23.33-36; Nm 29.12-38; Dt 16.13-15. jech chac c'u cha'al chal li mantaletique. Jech noxtoc jujun c'ac'al la xchiq'uic matanaletic jech chac c'u cha'al tspasic to'oxe, xchi'uc ja' jech yepal laj yaq'uic jech chac c'u cha'al yepal tsc'an ta jujun c'ac'ale. 5La xchiq'uic li matanaletic ti tsc'an ono'ox chiq'uel ta jujun c'ac'ale, xchi'uc ta yorail unin ue, xchi'uc ta jujun muc'tic q'uinetic sventa Muc'ul Diose;#Nm 28.11—29.39. xchi'uc laj yaq'uic yantic smoton Muc'ul Dios ta yutsil yo'ntonic. 6Ta sba c'ac'al svucubal u la sliquesic xchiq'uel li matanaletic ta stojol Muc'ul Diose, pero mu'yuc to'ox sliquesojic spasbel snacleb li ch'ulna yu'un Muc'ul Diose. 7Te lic yac'beic taq'uin li alvaniletic xchi'uc carpinteroetique. Jech noxtoc laj yac'beic sve'el yuch'umic, xchi'uc aceite li j'abteletic liquemic tal ta Tiro xchi'uc ta Sidone, yu'un ja' chbat yich'ic tal c'alal to ta Líbano li ch'ut te'etique. Tsjelubtasic tal ta nab c'alal to ta Jope, yu'un jech yaloj mantal li ajvalil Ciro ta Persiae.
La sliquesic spasel li Ch'ulnae
8C'alal xchibal xa'ox u stsacoj chib jabil sutelic batel ta Jerusalene, ja'o la sliquesic spasel xch'ulna Muc'ul Dios li Zorobabel xnich'on Salatiele, xchi'uc li Jesúa xnich'on Josadaque, xchi'uc li xchi'iltac ta paleale, xchi'uc li levietique, xchi'uc li yantic xchi'iltaquic ti co'ol isutic tal ta Babiloniae. Ja' laj yac'beic sventain abtel li levietic ti jeloven xa ta jtob (20) sjabilalique. 9Li Jesúa xchi'uc xnich'nab xchi'uc xchi'iltac ta voq'uele, li Cadmiel xchi'uc xnich'nab, ja' li smomnich'nabtac Judae, xchi'uc li xnich'nab smomnich'nab Henadade xchi'uc li xchi'iltac ta voq'uel, ja' li levietique, jmoj la stsob sbaic sventa tsq'uelic c'u x'elan chbat spasel li ch'ulna yu'un Diose.
10C'alal la sliquesbeic snacleb ch'ulna li alvaniletique, li paleetique la slap lec sc'u'ic sventa paleal; laj yich' lec yoq'uesic. Li levietic smomnich'nabtac Asafe laj yich'ic sepsep taq'uinetic sventa chich'ic ta muc' li Muc'ul Dios jech chac c'u cha'al yaloj ono'ox mantal li David ajvalil ta Israele.#1 Cr 25.1; 2 Cr 29.25-30. 11Te iq'uejinic, laj yalbeic slequilal li Muc'ul Diose, jech laj yalic: “Tojbeic ta vocol li Muc'ul Diose, yu'un ja' toj lec yo'nton, xchi'uc sbatel osil mu xlaj o c'uxubinel yu'un ta stojol li Israele”,#1 Cr 16.34; 2 Cr 5.13; 7.3; Sal 100.5; 106.1; 107.1; 118.1; 136.1; Jer 33.11. xiic. Scotol li israeletique tsots lic avanicuc, xcuxet no'ox yo'ntonic laj yalbeic slequilal li Muc'ul Diose, yu'un laj xa liquesbeic spasbel snacleb li ch'ulnae. 12Oy ep paleetic, levietic, xchi'uc banquilaletic ta jujuchop sbiic, ja' li moletic ti yilojic ono'ox li ba'yuc ch'ulnae, x'avetic liquel ta oq'uel ta sventa ti laj yilic ilic xa spasel li ach' ch'ulnae. 13Mu xa stac' a'yel boch'o chq'uejin, boch'o ch-oc' yu'unic, yu'un scotolic tsots i'avanic. Nom to xvinaj li yech'al yeique.
Currently Selected:
Esdras 3: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.