Esdras 2
2
Sc'oplal boch'otic isutic ta Jerusalén
(Neh 7.5-73)
1Ja' jech yepal li israeletic isutic ta Jerusalén ta yosil stuquic te ta Judá ti c'alal chucbil ibatic ta Babilonia yu'un ajvalil Nabucodonosore. 2Ja' ventainbilic batel yu'un li Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, xchi'uc Baanae.
3Li smomnich'nab Parose ja' cha'mil xchi'uc lajchab sbalunvinic (2,172) ta scotol.
4Li smomnich'nab Sefatiase ja' oxib ciento xchi'uc lajchab xchanvinic (372) ta scotol.
5Li smomnich'nab Arae ja' vucub ciento xchi'uc vo'lajuneb xchanvinic (775) ta scotol.
6Li smomnich'nab Pahat-moab ta chib xnich'nab ja' li Jesúa xchi'uc Joabe. Ja' cha'mil xchi'uc vaxquib ciento xchi'uc lajchab (2,812) ta scotol.
7Li smomnich'nab Elame ja' jmil xchi'uc chanlajuneb yoxlajunvinic (1,254) ta scotol.
8Li smomnich'nab Zatue ja' baluneb ciento xchi'uc vo'ob yoxvinic (945) ta scotol.
9Li smomnich'nab Zacaie ja' vucub ciento xchi'uc lajuneb xchanvinic (770) ta scotol.
10Li smomnich'nab Banie ja' vaquib ciento xchi'uc chib yoxvinic (642) ta scotol.
11Li smomnich'nab Bebaie ja' vaquib ciento xchi'uc oxib xcha'vinic (623) ta scotol.
12Li smomnich'nab Azgade ja' jmil xchi'uc chib xlajcha'vinic (1,222) ta scotol.
13Li smomnich'nab Adonicame ja' vaquib ciento xchi'uc vaquib xchanvinic (666) ta scotol.
14Li smomnich'nab Bigvaie ja' cha'mil xchi'uc vaclajuneb yoxvinic (2,056) ta scotol.
15Li smomnich'nab Adine ja' o'lol yo'bal ciento xchi'uc chanib (454) ta scotol.
16Li smomnich'nab Ater ta xnich'nab Ezequiase ja' vaxaclajuneb yo'vinic (98) ta scotol.
17Li smomnich'nab Bezaie ja' oxib svuclajunvinic (323) ta scotol.
18Li smomnich'nab Jorae ja' lajchab svacvinic (112) ta scotol.
19Li smomnich'nab Hasume ja' oxib xlajcha'vinic (223) ta scotol.
20Li smomnich'nab Gibare ja' vo'lajuneb yo'vinic (95) ta scotol.
21Li smomnich'nabic boch'otic liquemic ta Belene ja' oxib svucvinic (123) ta scotol.
22Li smomnich'nabic boch'otic liquemic ta Netofae ja' vaclajuneb yoxvinic (56) ta scotol.
23Li smomnich'nabic boch'otic liquemic ta Anatote ja' vaxquib svucvinic (128) ta scotol.
24Li smomnich'nabic boch'otic liquemic ta Azmavete ja' chib yoxvinic (42) ta scotol.
25Li smomnich'nabic boch'otic liquemic ta Quiriat-jearim, Cafira, xchi'uc Beerote ja' vucub ciento xchi'uc oxib yoxvinic (743) ta scotol.
26Li smomnich'nabic boch'otic liquemic ta Ramá xchi'uc Gebae ja' vaquib ciento xchi'uc jun xcha'vinic (621) ta scotol.
27Li smomnich'nabic boch'otic liquemic ta Micmase ja' chib svucvinic (122) ta scotol.
28Li smomnich'nabic boch'otic liquemic ta Betel xchi'uc Haie ja' oxib xlajcha'vinic (223) ta scotol.
29Li smomnich'nabic boch'otic liquemic ta Neboe ja' lajchab yoxvinic (52) ta scotol.
30Li smomnich'nabic boch'otic liquemic ta Magbise ja' vaclajuneb xvaxacvinic (156) ta scotol.
31Li smomnich'nabic boch'otic liquemic ta Elame ja' jmil xchi'uc chanlajuneb yoxlajunvinic (1,254) ta scotol.
32Li smomnich'nabic boch'otic liquemic ta Harime ja' vaclajunvinic (320) ta scotol.
33Li smomnich'nabic boch'otic liquemic ta Lod, Hadid, xchi'uc Onoe ja' vucub ciento xchi'uc vo'ob xcha'vinic (725) ta scotol.
34Li smomnich'nabic boch'otic liquemic ta Jericoe ja' vo'lajunvinic xchi'uc vo'ob yoxvinic (345) ta scotol.
35Li smomnich'nabic boch'otic liquemic ta Senaae ja' oxmil xchi'uc vaquib ciento xchi'uc lajuneb xcha'vinic (3,630) ta scotol.
36Li'i ja' paleetic: ja' li smomnich'nabtac Jedaías yuts' yalaltac Josuee ja' baluneb ciento xchi'uc oxlajuneb xchanvinic (973) ta scotol;
37li smomnich'nab Imere ja' jmil xchi'uc lajchab yoxvinic (1,052) ta scotol;
38li smomnich'nab Pasure ja' jmil xchi'uc vucub yoxlajunvinic (1,247) ta scotol;
39li smomnich'nab Harime ja' jmil xchi'uc vuclajuneb (1,017) ta scotol.
40Li'i ja' levietic: ja' li smomnich'nab Jesúa xchi'uc Cadmiel ti liquem sts'unubalic ta Hodaviase; ja' chanlajuneb xchanvinic (74) ta scotol.
41Li jq'uejimoletic, ja' li smomnich'nab Asafe, ja' vaxquib svucvinic (128) ta scotol.
42Li jchabi ti'naetic sventa ch'ulnae ja' li smomnich'nabic Salum, Ater, Talmón, Acub, Hatita, xchi'uc Sobaie; ja' balunlajuneb svucvinic (139) ta scotol.
43Li boch'otic chtunic ta Ch'ulnae ja' smomnich'nabic li Ziha, Hasufa, Tabaot, 44Queros, Siaha, Padón, 45Lebana, Hagaba, Acub, 46Hagab, Salmai, Hanán, 47Gidel, Gahar, Reaía, 48Rezín, Necoda, Gazam, 49Uza, Paseah, Besai, 50Asena, Meunim, Nefusim, 51Bacbuc, Hacufa, Harhur, 52Bazlut, Mehída, Harsa, 53Barcos, Sísara, Tema, 54Nezía, xchi'uc Hatifae.
55Yan li smomnich'nab j'abteletic yu'un Salomone ja' smomnich'nabic li Sotai, Soferet, Peruda, 56Jaala, Darcón, Gidel, 57Sefatías, Hatil, Poqueret-hazebaim, xchi'uc Ami. 58Le'e ja' li boch'otic chtunic ta ch'ulnae xchi'uc li smomnich'nab j'abteletic yu'un Salomone; ja' oxib ciento xchi'uc lajchab yo'vinic (392) ta scotolic.
59Li boch'otic iloq'uic tal ta Tel-mela, ta Tel-harsa, ta Querub, ta Addán, xchi'uc ta Imer ti muc staic bu ts'ibabil sbiic xchi'uc bu jchopucal liquem sts'unubalique ja' 60li smomnich'nabic Delaía, Tobías, xchi'uc Necoda. Ja' vaquib ciento xchi'uc lajchab yoxvinic (652). 61Yan li yuts' yalaltac paleetique, ja' li smomnich'nabic Habaía, Cos, xchi'uc li Barzilai ti laj yic'be jun stseb Barzilai liquem ta Galaade, ja' li boch'o Barzilai ic'ot sbi ec ta sventa ti ja' laj yich'be sbi li smuni'e, 62La st'unic me te tsacal sbi ta svunal li smoltotaquique, pero mu'yuc la staic, jech muc xa x'ochic o ta paleal. 63Li ajvalil#Esd 1.8. yu'unique laj yal mantal ti mu xu' tsve'ic li ch'ul matanale, ja' to me oy junuc pale tsjac' ta Urim xchi'uc ta Tumime.#2.63 Urim xchi'uc ta Tumime - Q'uelo Glosario.,#Ex 28.30; Nm 27.21; 1 S 14.41.
64Ta scotol ti c'u yepal isutique ja' chib yoxvinic ta mil xchi'uc vaxaclajunvinic (42,360) ta scotol. 65Ja' mu'yuc tsacbil ta atel li smozoic xchi'uc squiaraique; ja' vucmil xchi'uc vuclajuneb svuclajunvinic (7,337) ta scotol, xchi'uc lajunvinic (200) jq'uejimol vinic antsetic. 66Li sca'ique ja' vucub ciento xchi'uc vaclajuneb xcha'vinic (736), xchi'uc vo'ob yoxlajunvinic (245) ta cot smulaic. 67Li scamelloique ja' chanib ciento xchi'uc vo'lajuneb xcha'vinic (435). Ja' vacmil xchi'uc vucub ciento xchi'uc jtob ta cot sburoic (6,720).
68C'alal ic'otic ta yav xch'ulna Muc'ul Dios ta Jerusalene, oy jayibuc banquilaletic ta jujuchop sbiic laj yaq'uic ep matanaletic ta yutsil yo'ntonic sventa ta xcha'va'anic te ta yav li ch'ulna yu'un Diose. 69Ti c'u yepal ivu' yu'un laj yaq'uique ja' chanib ciento xchi'uc vaxquib yo'vinic (488) kilo c'anal taq'uin; ja' cha'mil xchi'uc o'lol xvaxquibal ciento (2,750) kilo saquil taq'uin, xchi'uc vo'vinic (100) ta lic natil c'u'iletic sventa pale.
70Li paleetic, li levietic, xchi'uc jayibuc israeletic, jq'uejimoletic, jchabi ti'naetic ta ch'ulna xchi'uc yan j'abteletic ta Ch'ulnae te inaquiic ta Jerusalén. Scotol li yantic israeletique ibat naquiicuc ta slumal stuquic ta jujuchop.#1 Cr 9.2; Neh 11.3.
Currently Selected:
Esdras 2: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.