1 Crónicas 5
5
Sc'oplal smomnich'nab Rubén
1-3Li xnich'nab Rubén, ja' li sba xnich'on Israele, ja' Hanoc, Falú, Herzón, xchi'uc Carmi. Ac'o me ja' ba nich'onil li Rubene, pero ta sventa ti la sc'opanbe yajnil stote, jech muc ja'uc laj yich' li c'usi sc'oplal chich'e.#Gn 35.22; 49.3-4. Ja' laj yich' li Josee, ja' li yan xnich'on Israele. Li Rubene muc xcom jech chac c'u cha'al ba nich'onil. Pero ta ts'acal ja' banquilal ic'ot yu'un scotol li judaetique, yu'un ja' te iloc' jun banquilal yu'unic.#Gn 49.8-10. Pero li c'usi sc'oplal chich' li banquilale ja' laj yich' o li Josee.
4Li xnich'on Joele Semaías sbi. Li xnich'on Semaiase Gog sbi. Li xnich'on Goge Simei sbi. Li xnich'on Simeie 5Micaía sbi. Li xnich'on Micaiae Reaía sbi. Li xnich'on Reaiae Baal sbi. Li xnich'on Baale 6Beera sbi, ja' li banquilal yu'un rubenetic ti ic'bil ibat yu'un Tiglat-pileser ajvalil ta Asiriae.#2 R 15.29.
7Li xchi'iltac ta voq'uel Beerae xchi'uc li yalab xnich'nabic ta jujuchop sbiic laj yich'ic tsacbele ja' Jeiel sbi li banquilal yu'unique. Ja'o te xtal Zacarías, 8Bela xnich'on Azaz, smomnich'on Sema, ja' li xnich'on Joele. Li Belae te inaqui ta Aroer. Li yosile xc'ot c'alal to ta Nebo xchi'uc ta Baal-meón. 9Te inaqui noxtoc ta stuq'uil sloq'ueb c'ac'al#5.9 C'ac'al - Oy boch'o chalic jtotic. c'alal to ta sti' xocol banamil yo' bu xlic batel li uc'um Eufratese, yu'un ibol ep xvacaxic, xchijic te ta yosilal li Galaade.
10C'alal ja'o ochem ta ajvalilal li Saule, li rubenetique la spasic pleito xchi'uc li agarenoetique. La stsalic, jech te inaquiic ta scotol yosilal Galaad ta stuq'uil sloq'ueb c'ac'al.#5.10 C'ac'al - Oy boch'o chalic jtotic.
Sc'oplal smomnich'nabtac Gad
11Li smomnich'nab Gad ti te inaquiic ta Basán banamil c'alal to ta Salca ta yeloval bu nacalic li rubenetique, 12Joel sbi, ja' banquilal yu'unic te ta Basán. Ja'o xtal Safán, Jaanai, xchi'uc Safat. 13Li yuts' yalalic ti ilic ta xnich'nab stotique ja' Micael, Mesulam, Seba, Jorai, Jacán, Zía, xchi'uc Heber; ja' vucub ta scotolic. 14Le'e ja' xnich'nab li Abihail xnich'on Hurie; ja' smoltotac li Jaroa, Galaad, Micael, Jesisai, Jahdo, xchi'uc Buze. 15Li Ahí xnich'on Abdiel, xnich'on Gunie, ja' banquilal ic'ot yu'unic li xchi'iltac ta voq'uele. 16Scotolic le'e te inaquiic ta Galaad, ta Basán, xchi'uc ta bic'tal lumetic yu'unic xchi'uc ta scotol yav ve'um chijtic ta Sarón c'alal to ta sts'aquil yosilal li Sarone. 17Scotolic le'e tsacajtic ta vun ta jujuchop yuts' yalal sbaic c'alal ja'o ochem ta ajvalilal ta Judá li Jotame, xchi'uc c'alal ja'o ochem ta ajvalilal ta Israel li Jeroboame.
Sc'oplal o'lol yoxchop israeletic
18Li smomnich'nab Rubén, Gad, xchi'uc j'o'lol jchop yu'un Manasese puru tsots yo'ntonic. Oy lec smaquic, yespadaic, sflechaic sventa pleito, xchi'uc lec xchanojic c'u x'elan tstsalvanic. Ja' chanib yoxvinic ta mil xchi'uc vucub ciento xchi'uc oxvinic (44,760) ti lec chapalic ta sventa pleitoe. 19La spasic pleito xchi'uc li agarenoetic, li Jetur, li Nafis, xchi'uc li Nodabe. 20Pero icoltaatic yu'un Dios, yu'un la sc'anbeic vocol ti c'alal ja' yochelic pleitoe. Laj yich'ic ta muc' jech icoltaatic. Jech scotol li agarenoetic xchi'uc li xchi'iltaquique laj yac' sbaic o ta c'abal. 21Jech i'ich'batic o li sts'unub yovolique. Ja' lajuneb yoxvinic ta mil (50,000) camelloetic, o'lol yoxibal ciento ta mil (250,000) chijetic, cha'mil (2,000) ta cot buroetic, xchi'uc vo'vinic ta mil (100,000) cristianoetic. 22Pero ep ichamic noxtoc, yu'un li pleito la spasique ja' ta sventa Dios. Ja' te inaquiic o li o'lol yoxchop israeletique ja' to c'alal chucbil ibatic ta yan banamile.
23Li yalab xnich'nabic o'lol jchop liquemic ta Manasese ibolic ta jyalel. Ja' te inaquiic ta Basán c'alal to ta Baal-hermón, ta Senir, xchi'uc ta vits Hermón. 24Li banquilaletic yu'unic ta jujuchop sbiique ja' Efer, Isi, Eliel, Azriel, Jeremías, Hodavías, xchi'uc Jahdiel. Ja' puru tsots yo'ntonic; puquem lec sc'oplalic, xchi'uc ja' banquilaletic ta jujuchop xnich'nab stotic. 25Pero la stoy sbaic ta stojol li Dios yu'un smoltotaquique. Toj chopol c'usi la spasic; ja' bat yich'beic ta muc' diosetic yu'un li cristianoetic ti inutsbatic loq'uel yu'un Diose. 26Ja' yu'un li Dios yu'un Israele la stijbe yo'nton li Pul,#2 R 15.19. ja' li ajvalil yu'un asiriaetique, ja' li Tiglat-pileser#2 R 15.29. yan sbie. Jech i'ic'atic batel ta Halah, ta Habor, ta Hara, xchi'uc ta uc'um Gozán li rubenetique, li gadetique, xchi'uc li o'lol jchop smomnich'nab Manasese. Te oyic o c'alal to tana.#2 R 17.6.
Currently Selected:
1 Crónicas 5: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.